幸福班戟 (K11 Musea) (Closed)

第一次食幸福pancake 喺日本，食過番尋味所以香港開第一間店時，已經排成粒鐘都要去食。知道尖沙咀K11 Musea 開左一間都未試過，咁啱今晚約左朋友食晚飯，之後我提議去哩度食埋個飯後甜品。哩度價錢同銅鑼灣有啲唔同，可能pancake size 細啲，而且用紙兜盛著，慳左人手洗碗🤣🤣🤣所以平dd。我點左芝士慕絲雜莓醬班㦸，朋友點左happy pancake。等左十分鐘都未有，又唔見開放式廚房有人整緊，好奇怪！再等左一陣終於嚟啦😃😃目測都唔錯，但放落口就...首先，我印象中，幸福pancake 嘅班㦸係疏乎厘班㦸，即係好有空氣感，但係哩個似cake 多d，雖然味道唔錯，但唔係我想要嘅嘢囉！Pancake 上有舊似cream cheese嘅嘢，我覺得幾好味，但友人話食唔出有芝士味，anyway, 整體來講麻麻地，冇下次！