Video
Read full review
2017-02-17
477 views
依家想食蒸氣火鍋有好多選擇, 但係要搵間好食得黎又唔會好貴既又真係好難, 千揀萬揀之下都係揀間新既試下! 唔試又點知好唔好食呢~我地一行4個人, 訂左枱, 黎到發現間店無人係入面... 個陣都係晚餐高峰時段, 但係就無客, 突然覺得伏伏地... 不過一入到去, 就有人行出黎招呼我地, 就上左d前菜呀醬油配料呀等等。 左上角個個前菜, 我一食就覺得好香, 仲有少少開胃既感覺, 我估係落左麻油既關係, 食落特別香, 而且仲有d切碎左既海鮮雜燴, 食落非常好味。估唔到未開始食個火鍋, 就有個咁正既前菜食。之後就上左一壺茶, 飲落清清地, 原來係菊花元肉杞子茶, 好醒胃!老闆之後俾左個menu我地揀, 有兩個餐都唔知揀咩好, 老闆話可以mix, 咁每邊出二人份量, 咪全部都可以食到囉, 可以mix, 喧我地就跟左老闆咁叫餐啦~食蒸氣火鍋點少得個粥底, 個粥底有肉粒同南瓜呢d配料。第一樣野黎到既係基圍蝦同埋花甲。花甲無沙, 食落好甜好鮮, d蝦食落都係新鮮既, 爽口!跟住就上左龍躉魚腩, 舊舊都好大舊, 口感好似食肉咁, 因為好厚身, 完全唔似食緊魚。跟住係蝦滑、墨魚滑同埋日本梅頭肉。蝦滑同墨魚
我地一行4個人, 訂左枱, 黎到發現間店無人係入面... 個陣都係晚餐高峰時段, 但係就無客, 突然覺得伏伏地... 不過一入到去, 就有人行出黎招呼我地, 就上左d前菜呀醬油配料呀等等。
左上角個個前菜, 我一食就覺得好香, 仲有少少開胃既感覺, 我估係落左麻油既關係, 食落特別香, 而且仲有d切碎左既海鮮雜燴, 食落非常好味。估唔到未開始食個火鍋, 就有個咁正既前菜食。
之後就上左一壺茶, 飲落清清地, 原來係菊花元肉杞子茶, 好醒胃!老闆之後俾左個menu我地揀, 有兩個餐都唔知揀咩好, 老闆話可以mix, 咁每邊出二人份量, 咪全部都可以食到囉, 可以mix, 喧我地就跟左老闆咁叫餐啦~
食蒸氣火鍋點少得個粥底, 個粥底有肉粒同南瓜呢d配料。
第一樣野黎到既係基圍蝦同埋花甲。花甲無沙, 食落好甜好鮮, d蝦食落都係新鮮既, 爽口!
跟住就上左龍躉魚腩, 舊舊都好大舊, 口感好似食肉咁, 因為好厚身, 完全唔似食緊魚。
跟住係蝦滑、墨魚滑同埋日本梅頭肉。蝦滑同墨魚滑食落好彈牙, 而且食落有一粒粒既蝦 / 墨魚係入面, 好味! 仲有個日本梅頭肉, 我食過幾間蒸氣火鍋都未見過會有豬肉食囉, 但係又幾好味WOR, 蒸完出黎D肉質好淋身, 而且唔會有陣豬味咁SO。
呢個係元貝皇, 佢都幾貼心, 因為元貝裙邊同粒元貝煮熟既時間都唔同, 所以就分開蒸, 咁就唔會煮到好老啦。
老闆咁樣攪一攪, 個裙邊又真係好味D, 而且唔會好乾身。
個元貝蒸好左之後, 老闆話飲左淡湯先, 如果老闆唔講, 我地應該會直接倒左佢XD好彩無倒咋! 佢個汁雖然都係D蒸氣, 但係元貝既鮮味已經融哂入去, 飲落清清地, 又夠鮮味, 飲完個湯再食粒元貝, 完美。
跟住老闆放低左塊切好左既牛扒, 係牛扒, 蒸氣火鍋有牛扒食, OMG!塊牛扒就一般般啦, 牛味唔係好夠, 味道可以再濃D。
食完牛扒, 就到蔬菜雜錦。我覺得呢度同其他同類型既餐廳相比, 呢度既餐單設計我好好,除左比你食到新鮮原味既蒸海鮮之外, 仲會有其他唔同既野, 同埋會平衝返個營養, 唔會一味食海鮮, 或者一味食肉, 老闆設計餐單個陣一定下過唔少工夫。
呢個入而仲有鮮秋葵, 本來無人敢試, 因為大家都知鮮秋葵個種口感唔係咁好, 不過最後都有試, 一試發現呢個鮮秋葵易入口好多, 正!戲肉梗係隻龍蝦! 開邊成隻蒸! 不過老闆一開蓋之後, 好快就拎走左... 還返俾我呀...
原來係拎左去切件, 等我地方便D食, D殼仲整碎埋TIM!
唔好睇佢細細隻, 其實好多肉, 而且爽口, 我地4個人, 每人食一舊都覺得夠皮, 可能前面都食左好多野XD
話喧快就到食粥時間, 係一煲南瓜粥, 作為結尾我覺得幾好, 南瓜既味道令我個胃唔會有食太滯既感覺, 點知食食下 都食左兩碗粥...
再黎就係桃膠雪耳木瓜糖水, 呢個就一般般, 不過清清地, 唔太甜既糖水我反而更喜歡~今次食呢間既感覺非常好, 除左D野食好食之外, 你會感受到老闆對食材既了解, 佢過黎放野落鍋個陣會講下D材料係咩, 點解佢要咁樣蒸 ETC., 我覺得呢份熱情令我食呢餐飯食得好滿足! 而且價錢合理, 比出面其他亦都算便宜, 有機會絕對要來試試。
Post
