Cocina 3 Tapas Restaurant & Bar (Closed)

疫情緩和番D, 同老婆去奧海城行完新開既誠品, 一落電梯就見到依間餐廳, 門面幾靚仔, 老婆話有D興趣, OK就係度食個DINNER餐廳有INDOOR同OUTDOOR, 今日天氣唔係太好, 所以都係坐番入面, 環境都唔錯, 咁岩安排左我地坐張4 人枱, 好闊落所以都坐得好舒適。🔸墨西哥脆片坐低冇耐STAFF就上左個墨西哥脆片, 原來係每枱都會有, FOR你叫酒飲, 雖然我同老婆都唔飲酒, 但係佢調左個醬, 酸酸地咁, 當頭盤食下都幾開胃幾過癮既, 盛惠$40。🔸西班牙雞肉辣肉腸燴飯用上圓圓既意大利飯粒, 煮得岩岩好好有口感, 最緊要唔會太濕太淋，醬汁包裹住每一粒飯，入口豐腴，帶微微辣味，同西班牙辣肉腸既咸香都幾夾。🔸炭燒美國頂級肉眼扒肉眼扒好有份量, 表面經炭燒留下格紋, 賣相吸引。五成熟既肉眼扒肉味頗重, 帶淡淡炭燒香氣, 十分滿足!🔸吉士拿破崙3塊長方形既拿破崙之間夾住滿滿既吉士醬, 脆卜卜又香甜可口, 不錯!最後食完飯仲REFILL左墨西哥脆片, 同老婆傾多陣計, 好ENJOY！