食包 (Closed)

阿女去太子試堂，接佢放學時見到呢間Winner Burger，望吓價錢又唔貴，一於就喺呢度醫肚。呢度以外賣為主，而入面亦有兩張簡單嘅餐枱可以堂食。我哋勁肚餓，所以買兩個Combo Set之餘再加兩份小食。WB經典漢堡其實一啲都唔經典，入面除咗有最傳統嘅漢堡扒、芝士、蕃茄、生菜，仲有煎蛋。漢堡扒厚身又多汁，再加埋半熟嘅煎蛋流出蛋漿，味道充滿驚喜。芝士菠蘿雞堡入面亦配有芝士同生菜。雞扒勁厚切，菠蘿就超Juicy。炸魚寶總共有3件，魚柳好滑又唔會太乾。原味雞翼就有兩隻，外面嘅脆漿好薄，保持雞翼本身口感，味道亦唔錯。青山炸雞外面脆卜卜，入面嘅雞肉仲鮮嫩有肉汁，而且炸得夠乾身。薯格卜卜脆，而且份量都唔少。埋單唔駛$200，呢餐真心抵食。