Video
Read full review
2017-01-11
187 views
元朗Yoho Mall 之前開左間Super Sandwiches, 放假多左個食早餐好去處, 唔駛下下都去茶餐廳同飲茶。個位係正扶手電梯隔離都幾開揚, 好在係商場角落, 行過經過既人都係以幫襯既人多, 唔駛下下都比經過既人望住食野。 附近唔多食三文治食意粉既西式早餐餐廳, 加上價錢都算係平, 所以好多人幫襯, 成日都要等位。有預先整好既三文治同沙律, 早餐梗係想食熱辣辣啦, 落完order比完錢, 就等店員送黎。B1 $40 呢個餐有甘筍忌廉湯螺絲粉、紐倫堡腸、炒蛋、烤蕃茄、薯餅、多士配熱咖啡。 呢個餐最正有埋碗熱辣辣螺絲粉, 所以都幾多人叫, 甘筍忌廉湯都幾稠, 唔似用罐頭開個隻, 而且幾香甜, 螺絲粉無浸到過腍, 幾好食。 紐倫堡腸煎到小小燶香噴噴, 無唔好食既理由。 炒蛋就熟左d, 好在都有小小蛋汁, 炒得都幾滑, 配埋多士食都唔錯。 薯餅同多士都係現成野, 無咩特別, 多士烘過下都幾脆口。 蕃茄好juicy, 加埋灑面既香草都幾好食。 熱咖啡好大杯, 咖啡味都幾香, 雖然同兜巴星有段距離, 不過都唔錯既, 食完個早餐都未飲得晒, 好在用紙杯裝, 可以擰返屋企慢慢歎。B2 $3
個位係正扶手電梯隔離都幾開揚, 好在係商場角落, 行過經過既人都係以幫襯既人多, 唔駛下下都比經過既人望住食野。 附近唔多食三文治食意粉既西式早餐餐廳, 加上價錢都算係平, 所以好多人幫襯, 成日都要等位。有預先整好既三文治同沙律, 早餐梗係想食熱辣辣啦, 落完order比完錢, 就等店員送黎。
B1 $40 呢個餐有甘筍忌廉湯螺絲粉、紐倫堡腸、炒蛋、烤蕃茄、薯餅、多士配熱咖啡。
呢個餐最正有埋碗熱辣辣螺絲粉, 所以都幾多人叫, 甘筍忌廉湯都幾稠, 唔似用罐頭開個隻, 而且幾香甜, 螺絲粉無浸到過腍, 幾好食。
紐倫堡腸煎到小小燶香噴噴, 無唔好食既理由。 炒蛋就熟左d, 好在都有小小蛋汁, 炒得都幾滑, 配埋多士食都唔錯。 薯餅同多士都係現成野, 無咩特別, 多士烘過下都幾脆口。 蕃茄好juicy, 加埋灑面既香草都幾好食。
熱咖啡好大杯, 咖啡味都幾香, 雖然同兜巴星有段距離, 不過都唔錯既, 食完個早餐都未飲得晒, 好在用紙杯裝, 可以擰返屋企慢慢歎。
B2 $35 炒蛋輕盈早餐全接觸, 有焗豆、 炒蛋、 烤蕃茄、牛角包同法蘭克福腸配熱茶。
焗豆份量好多, 而且有加熱, 雖然係罐頭野, 都算幾好。 呢碟炒蛋差唔多全熟咁濟, 最岩唔鐘意有蛋汁既朋友, 都算滑, 唔會係死實個種。 烤蕃茄同頭先個碟一樣, 唔再講。 法蘭克福腸得半條孤寒左d, 不過煎過後都幾香口。 牛角包有加熱但係係微暖狀態, 牛油香味一般, 都算幾酥脆。
熱茶比左2個茶包落去都幾慷慨, 所以茶味都幾濃, 同樣大大杯飲唔晒, 擰埋返屋企。
雖然早餐唔係話好好食, 不過都叫好味, 而且每樣野黎到都係熱辣辣, 交足功課, 可以收貨, 加上呢個價錢有咁豐富, 食早餐可以再黎!
Post
