漁一海鮮火鍋料理 (Moved) New Location

今日同屋企人黎漁一打邊爐，環境都幾舒適，座位之間寬敞，有足夠嘅私人空間。大力推薦漁一花甲皇蟹鍋👍🏻雖然餐廳當日冇曬花甲提供，但因為我屋企人非常鍾意食蟹，最後店員亦都好好，用蝦取代花甲比我地。先講湯底，湯底係帶點辛辣嘅番茄湯，同海鮮非常契合，更加能夠突出海鮮既鮮味。蟹嘅份量十足，啖啖肉，三至四人食都冇問題！味道亦好新鮮！滿滿嘅蟹膏，依附係鮮甜既蟹肉上。不得不提既一定係呢度嘅四寶丸！超有特色！墨魚丸爽口彈牙，包住香濃芝士。豬肉丸入面包住充滿酒香既餡料。蝦丸包住流心芝士，最like呢一款！