粥地海鮮粥底火鍋

Open Now

Now Closed

食雞煲食得多，又油又濃味，好似唔太健康，所以揀左呢間清d既粥底海鮮火鍋黎食下，岩哂一家大細，男女老幼，皆因後生既就好鍾意食海鮮，而老媽子就鍾意食個粥啦。佢係package按人頭計俾海鮮加自選5個非海鮮既材料，例如：肥牛、豚肉、菜等等，再另送兩款材料，最後佢仲會加d芋頭粒同埋南瓜粒落去粥底度煲既，包你一定捧住個肚返屋企。不得不讚，佢d海鮮真係好新鮮，d蝦仲係度彈下彈下，真係生猛到你驚><（哈...有片為證）其他花甲呀、象拔蚌呀都好正，鮮甜嫩口，最重要係夠鮮味，個粥先好味，最後食左2碗半粥呀。輕輕一提，如果食快d，唔好加咁多次水應該會仲鮮甜d架。另外想推薦埋個南乳雞翼，超好味，係等緊個湯滾既時間食就最一流。