十三少 (Closed)

來到樂富的十三少，諗起四川，諗起酸菜魚，諗起水煮魚。再諗諗下已經好耐冇食過水煮魚啦，因此今日都係下定決心，食個辣辣的水煮魚吧，再點個新品“十三少蒜香荷葉蟹飯”。喺兩個飯餸未上之前，叫個小食“涼拌土豆絲”，點解叫呢個呢，因為我覺得自己喺屋企都煮唔好，煮唔出呢種味道，首先我沒有師傅的刀工，切到齊齊整整土豆絲，亦調較唔到個涼拌汁，都係乖乖哋喺度食好啲，而且嗰蟹飯都要成廿分鐘先至整好，一邊食一邊等幾咁好。其實我唔係好食得辣，但亦唔想次次叫酸菜魚，今次豁出去了。誘人的紅紅辣椒舖滿面的水煮魚上枱了，一陣鮮，香，麻，辣氣味迎面而來，嗯，感覺好好，試吓舊魚片先，好嫩，好滑，辣度亦可以接受，仲有芽菜，紅薯寬粉，青瓜相伴，正，好耐未試過呢種感覺。而荷葉蟹飯有香口微辣的蒜蓉和青綠色的葱花配搭，好靚嘅擺碟，好滿足。