Video
Read full review
2009-02-01
37 views
牛年既第一餐開工飯選擇豪D對自己好D黎到小南國,一路標榜住貴野相信都唔會差得去邊,今次係第2次食哩間分店既小南國!!!同事一行五人無特別野好想食,又唔知咩出名,所以就隨意order左好多點心,好多好多點心!!!生煎包係我覺得最好食既,煎得剛剛好,又唔油,D肉既量又o岩o岩好,有少少肉汁,又唔係太大粒,好o岩食!!!紅油抄手唔食得辣,只要唔係太辣我就會覺得好味,哩度既辣度剛剛好,加D芝麻都香口,好味~!!!X子鬆睇到賣相以為幾好就order,點知食落無咩特別,好似食緊D梳打餅包住D肉碎咁樣,只屬一般!!!小籠包黎到哩類食肆,小籠又點少得,乜小籠包唔係要皮薄架咩?哩度既小籠包好厚皮,同一般食既小籠包既皮好唔同,似生煎包o個種包既皮,唔算好食,但好彩熱食搭夠湯汁還可以~蘿蔔酥好食過一般酒樓既蘿蔔酥,幾鬆化,幾多涵,但一份得2個,太少太貴,唔值~素鵝對齎類興趣不大,點知又幾入味幾好食~!!!蔥油餅愛食蔥油餅既我,見到哩度既蔥油餅真係嚇親,一份一開八,有成塊面咁大,太厚身,唔夠蔥,但滿滿芝麻對我黎講加番少少分,但同事覺得麻麻~太大份,好易飽肚!!!上海年糕以為似小海粗炒,點知完全相反,只係用菜同
同事一行五人無特別野好想食,又唔知咩出名,所以就隨意order左好多點心,好多好多點心!!!
生煎包係我覺得最好食既,煎得剛剛好,又唔油,D肉既量又o岩o岩好,有少少肉汁,又唔係太大粒,好o岩食!!!
紅油抄手唔食得辣,只要唔係太辣我就會覺得好味,哩度既辣度剛剛好,加D芝麻都香口,好味~!!!
X子鬆睇到賣相以為幾好就order,點知食落無咩特別,好似食緊D梳打餅包住D肉碎咁樣,只屬一般!!!
小籠包黎到哩類食肆,小籠又點少得,乜小籠包唔係要皮薄架咩?哩度既小籠包好厚皮,同一般食既小籠包既皮好唔同,似生煎包o個種包既皮,唔算好食,但好彩熱食搭夠湯汁還可以~
蘿蔔酥好食過一般酒樓既蘿蔔酥,幾鬆化,幾多涵,但一份得2個,太少太貴,唔值~
素鵝對齎類興趣不大,點知又幾入味幾好食~!!!
蔥油餅愛食蔥油餅既我,見到哩度既蔥油餅真係嚇親,一份一開八,有成塊面咁大,太厚身,唔夠蔥,但滿滿芝麻對我黎講加番少少分,但同事覺得麻麻~太大份,好易飽肚!!!
上海年糕以為似小海粗炒,點知完全相反,只係用菜同上海年糕炒埋,無汁無醬,太清太(寡),無味可言,每人食左少少,浪費左!!!
鍋貼同生煎包好似,都係煎得剛剛好,唔太油,但食左生煎包其實可以唔食哩樣!
總括黎講都論品質都食得過既,但我建議要求唔高,但又想食點心既無需要用哩個價錢黎哩度食,去番酒樓食抵好多,亦唔見得差好遠囉!!我地蠢左,黎哩度應該食熱送,糖醋魚,砂鍋云吞雞等等,有機會可以再黎試下,不過價錢應該夠食餐Lunch buffet~
Post
