Video
Read full review
2017-10-02
208 views
夏季嘅舊同學聚會又到，晚飯地點今次由輪到我去決定。收到風有間叫牛禪嘅日式燒肉店餐廳絶對係好嘢之餘,價錢亦好合理,真正做到一分錢一分貨,今次我發辦,絶對唔衰得，一於就去呢度啦!餐廳都幾闊落舒適，好適合一大班人聚會食飯，有VIP房供訂座,唔錯!今次我地嘅係主角近江和牛盛宴,但食好嘢之前我地都要食啲前菜開開胃先!漬物前菜魚仔,蒜頭、海哲、都醃得好適中，食完真係食慾大增!明太子玉子燒玉子燒上面擠滿左蛋黃醬，一夾起啲煙即刻湧上嚟，視覺一流！中間包住明太子，芝士拉絲，食落蛋味超濃，仲好暖胃！芒果蟹籽沙律啖啖肉之前當然要食番個沙律打打底先！芒果好鮮甜，青瓜絲爽口！芒果夏季當做，所以香甜又軟熟，食完好舒服!五品刺身拼盤三文魚腩,金目鯛,伊佐目,日本響螺,同帶子，五款都勁鮮甜！三文魚腩肥美鮮甜，油份甘和。帶子鮮甜爽嫩。日本響螺爽口彈牙。金目鯛同伊佐目鮮魚味十足！激讚!近江和牛盛宴原來九月份有驚喜,店員話凡係order依客盛宴套餐就會送一支月山出雲純米吟釀300ml。食燒肉配清酒真係無得頂，介紹下呢個近江和牛套餐先,總共有九個唔同既部位，每個部位亦插上小旗仔，比我地識別唔同部位嘅和牛，未食都流緊口水，另外
今次我地嘅係主角近江和牛盛宴,但食好嘢之前我地都要食啲前菜開開胃先!
漬物前菜
魚仔,蒜頭、海哲、都醃得好適中，食完真係食慾大增!
明太子玉子燒
玉子燒上面擠滿左蛋黃醬，一夾起啲煙即刻湧上嚟，視覺一流！中間包住明太子，芝士拉絲，食落蛋味超濃，仲好暖胃！
芒果蟹籽沙律
啖啖肉之前當然要食番個沙律打打底先！
芒果好鮮甜，青瓜絲爽口！芒果夏季當做，所以香甜又軟熟，食完好舒服!
五品刺身拼盤
三文魚腩,金目鯛,伊佐目,日本響螺,同帶子，五款都勁鮮甜！三文魚腩肥美鮮甜，油份甘和。帶子鮮甜爽嫩。日本響螺爽口彈牙。金目鯛同伊佐目鮮魚味十足！激讚!
近江和牛盛宴
原來九月份有驚喜,店員話凡係order依客盛宴套餐就會送一支月山出雲純米吟釀300ml。食燒肉配清酒真係無得頂，介紹下呢個近江和牛套餐先,總共有九個唔同既部位，每個部位亦插上小旗仔，比我地識別唔同部位嘅和牛，未食都流緊口水，另外餐牌都可以清楚睇到每個部位既肉味、咬口同油花度。食嘅次序都好講究，店員建議由淡味到濃味咁燒，如果先食濃味油份高既部位，會好快感到有滯膩感，所以就由1-9咁一步一步咁慢慢燒黎食
1.和牛牛舌薄片--------爽口,初嚐牛味
2.牛臀肉--------多汁，牛味極重，肉質軟熟
3.牛腿上---------肉質比較軟熟但有咬口
4.牛腿肉---------肉汁多,入口即溶又軟熟
5.牛肩肉---------比較彈牙，食嗰陣比較有咬勁
6.牛頸脊---------啖啖肉,油份比較高，軟熟得嚟好香口
7.牛小排--------油花高,入口即溶，肉汁超多又油
8.西冷----------油花高,食完會感到有少少滯膩，但超好味！
9.肉眼----------都係油花高，入口即溶，脂肪油份高,但真係超級滿足，啲脂肪油真係好味到真係無得頂。
日式炒野菜
啖啖肉之後真係要食番注菜先啱數。野菜用麵豉醬炒，入面有木魚、野菌 椰菜、金菇、雞肶菇等，食落好香口又多汁，有消滯嘅感覺。
什錦天婦羅
天婦羅炸得剛剛好，冬菇、蝦炸完都仲水份十足，好出色!
巨峰提子梳打
配番杯濃郁提子味解解滯,一大啖飲落去,爽！
海鹽雪糕
海藍色觀感好舒服，鹹度適中又凍嗰種感覺都好特別。
總結:
果然無令舊同學失望，個個都讚不絶口！除左主角牛之外，每款食物都係水凖之作，真係可以做定期聚餐嘅熱點,讚!
Post
