Video
Read full review
2021-12-04
67 views
幾個星期前經過紅磚屋，見到呢間餐廳，一眼望入去，覺得環境好舒服，鋪面內裡有個小小的用餐區，放咗2張檯，當時我就諗，如果喺度食嘢應該好cozy。問過店員話可以帶埋狗狗一齊食嘢，於是今日就行動喇！嚟到農得大約下晝2點，外面有個男士派發免費咖啡試飲，佢話要等老闆返嚟先有人煮嘢食，而等緊都可以食住製作好的甜品又或飲下嘢先。於是，我、狗狗爸爸同狗狗就一齊等老闆返嚟喇。等咗冇耐，老闆娘同老闆前後腳返到，而負責煮嘢食的係老闆。聽到老闆娘同客人推介話無糖黑豆漿好飲（因為佢今朝落多咗芝麻），於是我就拎咗枝。黑豆漿係即日手工製，好有誠意。豆漿有純天然豆味，係原味用心之作。另外，我哋亦要咗個紅苺忌廉鬆餅，食住等。不過唔知係咪翻熱時過咗火喉，鬆餅表面有啲硬，但用料好豐富，裡面有紅苺乾同另一啲乾果，鐘意食甜味鬆餅的人應該會喜歡。我哋同老闆order咗和風漢堡同有機沙律。老闆問我食唔食得辣，然後特登喺沙律入面加咗隻醃辣椒俾我。沙律菜配黑醋+合桃油的醬汁。菜始終味淡，如果加啲粟米、乾果、牛油果、雞蛋或果仁之類，應該可以令口感和味道提升，複雜啲、吸引啲。和風漢堡個醬汁真係好和風，麵包烘得脆軟。狗狗爸爸話漢堡表面有少少
嚟到農得大約下晝2點，外面有個男士派發免費咖啡試飲，佢話要等老闆返嚟先有人煮嘢食，而等緊都可以食住製作好的甜品又或飲下嘢先。於是，我、狗狗爸爸同狗狗就一齊等老闆返嚟喇。
等咗冇耐，老闆娘同老闆前後腳返到，而負責煮嘢食的係老闆。聽到老闆娘同客人推介話無糖黑豆漿好飲（因為佢今朝落多咗芝麻），於是我就拎咗枝。黑豆漿係即日手工製，好有誠意。豆漿有純天然豆味，係原味用心之作。另外，我哋亦要咗個紅苺忌廉鬆餅，食住等。不過唔知係咪翻熱時過咗火喉，鬆餅表面有啲硬，但用料好豐富，裡面有紅苺乾同另一啲乾果，鐘意食甜味鬆餅的人應該會喜歡。
無糖黑豆漿
$20
1 views
0 likes
0 comments
紅苺忌廉鬆餅
$20
2 views
0 likes
0 comments
我哋同老闆order咗和風漢堡同有機沙律。老闆問我食唔食得辣，然後特登喺沙律入面加咗隻醃辣椒俾我。沙律菜配黑醋+合桃油的醬汁。菜始終味淡，如果加啲粟米、乾果、牛油果、雞蛋或果仁之類，應該可以令口感和味道提升，複雜啲、吸引啲。
有機沙律
$50
1 views
0 likes
0 comments
和風漢堡個醬汁真係好和風，麵包烘得脆軟。狗狗爸爸話漢堡表面有少少燶，佢個人喜好未係太喜歡，但漢堡仍然有肉汁，所以都唔錯呀！
和風漢堡
$50
1 views
0 likes
0 comments
老闆煮好食物之後，就話要再煮啲嘢食俾狗狗！！！佢先將2塊骨頭形狗餅俾我哋，話係俾狗狗食，然後，佢就同我哋講話要煮魚肉俾狗狗。果一刻，當狗狗聽到老闆的主意後，心入面應該不停say yes！最後，老闆送上一件魚肉沙律菜。老闆細心解釋話因為有啲狗狗唔肯食菜，所以佢特別整啲冇調味又冇骨的魚肉，放喺沙律菜上面，叫我哋包住俾狗狗食，咁就氹到狗狗食菜啦~
其實我屋企隻曳豬乜都食，所以肯食菜，而老闆咁有心思，狗狗當然唔客氣，仲食得好滋味添。
食完曬嘢，問老闆娘推薦邊款甜品。可惜狗狗爸爸唔食榴槤，於是我哋無試客人同老闆娘力推的榴槤慕絲，改為食芒果慕絲。呢個甜品真係好好味呀，芒果慕絲夾雜住又多又甜的芒果蓉，好滿足。
芒果慕絲
$35
1 views
0 likes
0 comments
呢間小店的食物係重原味，但更重要都係人情味！我雖然第一次嚟，但老闆都咁客氣，感覺真係好窩心。我相信老闆、老闆娘唔係做生意，而係分享。今日坐喺鋪頭入面，除咗見到好多遊人嚟買鬆餅、買嘢飲外，亦見到一啲老闆、老闆娘的熟客仔。小店人情，值得支持！
Post
