廣成冰室 (Under Renovation)

難得去到上水，專登去廣成冰室潮聖一下。見好多人話姐姐既態度差，唔知係咪因為我地去到已經一點半，過左最多人既食飯時間，雖然坐低左一陣姐姐有chur我地落單，但呢個都係舊式既茶記既特色，雖然chur我地但又唔覺得係特別無禮貌，不過係姐姐chur之下，最後都係嗌左兩個常餐，無嗌到紅豆冰，有少少可惜 好多人讚佢既蛋治，反而我覺得一般，但菠蘿油凍左都好食，有啲意外。 奶茶用返最傳統茶記用既熱飲杯裝，味道都好好，有茶味，好飲👍🏻牛肉通粉中上，幾鍾意佢個湯底，牛肉同通粉就正常發揮。 一定會再黎返兜！