Opera House Italian Restaurant & Bistrot (Closed)

夜晚同2個朋友黎灣仔呢間新餐廳食，一入去見到爆埋場。係樓下吧檯等左5分鐘，就上樓上食啦。環境好靚，好有意大利feel 波。3個人叫左3樣野share。第一樣係待應介紹既，牛肝菌豬肉火腿白酒汁馬鈴薯丸子。待應話馬鈴薯丸子係home made既。食落幾"煙靭”，好香。牛肝菌輕炒過，更香濃。不過呢過一定要share食，一個人係食唔到既。烤雞扒香脆嫩滑，香草味岩岩好。最後係賣相一流既三文魚扒。三文魚好新鮮，煮得岩岩好！食落好滑，好鮮味，少少茴香味令魚肉帶點清香。服務方面，可以因為爆場啦。感覺到係人手唔夠，不過招呼好親切。經理同大廚亦百忙中問我地食物O唔ok。對上菜稍慢亦有不斷道歉。相信我下次黎佢地會改善。