翠豐冰廳

Open Now

Now Closed

一直以為觀塘區淨係平日先多人，上星期去完牛頭角party Room搵嘢食見到呢間冰廳都坐滿晒，餐牌都好吸引！精選晚餐好抵食，叫咗翠豐無骨海南雞 $78，呢個價錢已經包咗例湯、油飯、油菜、熱飲同雪糕，雞肉好滑有好香雞油味，油飯竟然係用珍珠米😳 羅宋湯好足料，好多蔬菜粒又夠香蕃茄味，油菜都好新鮮，搞到忍唔住單叫咗多碟 $20🤣 套餐附送雪糕，如果有得揀味道就好，不過隨機派嘅咖啡味都幾好另外小菜都好正！蜜椒薯仔牛柳粒 $80 好香口，雖然薯仔比較大嚿但炸得夠透，入面軟綿綿，牛柳粒肉質嫩滑又入味，質素完全超值。揀咗升級套餐配白飯,餐湯及熱飲 $15，中湯都好好飲！