Video
Read full review
2018-01-04
2714 views
小弟基本上極少寫OpenRice review，但今次真係逼到我一定要寫！高流灣大大話話去過廿數次，因為食物水準唔錯，都會間唔鐘去下。今晚同屋企人提早做冬 訂左檯 6:30 四位。 大家都早到左所以大概6:10就上去攞位。上到去個帶位叫我地坐門口走廊第一張，個場基本上係吉既，眼見兩張檯有人 十張檯係吉既，我客氣問可否坐埋邊靠牆果張四人檯？因為呢張走廊檯非常逼，兩張凳頂住後面既凳，另外兩張凳直頭係門口走廊上，我有兩位係長者，坐得唔方便。個經理走埋黎好寸咁問我有咩可以幫到我。我再問 我地可否坐埋便靠牆果張四人檯？因為呢張走廊檯非常逼，有兩位老人家。呢位經理露出一副不屑又嫌麻煩既表情 把整張檯暴力地往門口走廊再拉出一點，然後露出一副 “咁依家滿意啦？”既表情。我心諗 你無嘢啊？因為老人家在，所以沈住左氣。結果我同我老婆坐入面靠住後面檯因為非常逼，老人家根本坐唔入去。佢兩老要坐走廊位食風。搞到佢地要著番外套因為好凍。我想問有邊個會咁樣對待客人，重要係有老人家！重點係我地佢既時候係6:10，當時兩張有人 十張無人，大把埋便靠牆四人檯，咁都唔可以幫我地調一調？一張都唔可以？最好笑係原本我想調去既四
高流灣大大話話去過廿數次，因為食物水準唔錯，都會間唔鐘去下。今晚同屋企人提早做冬 訂左檯 6:30 四位。 大家都早到左所以大概6:10就上去攞位。上到去個帶位叫我地坐門口走廊第一張，個場基本上係吉既，眼見兩張檯有人 十張檯係吉既，我客氣問可否坐埋邊靠牆果張四人檯？因為呢張走廊檯非常逼，兩張凳頂住後面既凳，另外兩張凳直頭係門口走廊上，我有兩位係長者，坐得唔方便。個經理走埋黎好寸咁問我有咩可以幫到我。我再問 我地可否坐埋便靠牆果張四人檯？因為呢張走廊檯非常逼，有兩位老人家。呢位經理露出一副不屑又嫌麻煩既表情 把整張檯暴力地往門口走廊再拉出一點，然後露出一副 “咁依家滿意啦？”既表情。我心諗 你無嘢啊？
因為老人家在，所以沈住左氣。結果我同我老婆坐入面靠住後面檯因為非常逼，老人家根本坐唔入去。佢兩老要坐走廊位食風。搞到佢地要著番外套因為好凍。我想問有邊個會咁樣對待客人，重要係有老人家！重點係我地佢既時候係6:10，當時兩張有人 十張無人，大把埋便靠牆四人檯，咁都唔可以幫我地調一調？一張都唔可以？最好笑係原本我想調去既四人檯 7:40先有人入坐，張檯一直空著一個半鐘頭！ 我想問點解唔可以俾我地坐先？一D courtesy 都無。
我只可以話就算食物幾好食我都唔會再返黎幫襯，絕對唔會！亦會宣傳出去叫所有朋友唔好再去！咁樣既服務真係差到極！
Post