Oasis Bar & Grill (Closed)

是晚約咗朋友黎食晚餐，原本被安排坐低枱，但因為坐得唔太舒服，所以要求轉枱，侍應都好好，安排我哋轉坐正常枱～西班牙燒豬腩伴西瓜三文治呢個食物嘅配搭幾有趣，原本仲諗住唔夾，點知食落都有驚喜～馬賽魚湯呢個湯啱晒鍾意食海鮮嘅朋友，一碟有晒魚、蝦、青口同帶子，再加兩塊細法包～酥炸原隻軟殼蟹蟹肉蟹羔意大利飯軟殼蟹炸得夠酥脆，蟹肉蟹羔意大利飯又好creamy, 呢個配搭好難唔好食。心太軟最後叫多個心太軟作結，味道就無咩特別，都係普通甜品一個。