Video
Read full review
2021-04-24
404 views
今日係銅鑼灣試咗依間新派泰國菜，裝修靚之餘食物亦高質，甚有異國風情。店員特別推介嘅黃咖喱蟹係我地好鍾意嘅菜式，肉蟹按market price收費但絕對係一分錢一分貨－肉蟹非常大隻，啖啖肉夠鮮味，吸晒咖喱嘅精華每一啖都好滋味；黃咖喱唔辣，加咗蛋漿煮所以做到濃稠得嚟綿滑嘅口感，配上脆卜卜嘅法式蒜蓉包真係非常好食！唔洗去海南島都食到好味嘅海南雞～泰式煮法嘅海南雞冇醬油浸住，更突顯雞肉嘅味道，無論係雞胸雞髀都厚肉嫩滑，雞皮少許爽口食埋都唔覺肥膩，點埋泰式辣汁更加正！大蝦冬陰功炒飯亦係惹味嘅選擇，冬陰功醬味道酸辣香濃，唧啲青檸汁平衡番更開胃，大蝦肉質彈牙蝦頭仲有膏添～餐廳仲有一系列加入泰國元素嘅Cocktail同Mocktail，Bartender推介我飲依杯Chiang Mai Darling，混合咗橙汁、蔓越莓汁同蜜桃果蓉，食完豐盛嘅一餐最啱飲番杯酸酸甜甜嘅特飲；椰青好清甜，啲椰肉仲好易起可以當埋甜品食😋用餐期間店員都有關心下我地對食物滿唔滿意，服務週到，喺度推介比各位鍾意食泰國菜嘅朋友仔去試下☺️
店員特別推介嘅黃咖喱蟹係我地好鍾意嘅菜式，肉蟹按market price收費但絕對係一分錢一分貨－肉蟹非常大隻，啖啖肉夠鮮味，吸晒咖喱嘅精華每一啖都好滋味；黃咖喱唔辣，加咗蛋漿煮所以做到濃稠得嚟綿滑嘅口感，配上脆卜卜嘅法式蒜蓉包真係非常好食！
唔洗去海南島都食到好味嘅海南雞～泰式煮法嘅海南雞冇醬油浸住，更突顯雞肉嘅味道，無論係雞胸雞髀都厚肉嫩滑，雞皮少許爽口食埋都唔覺肥膩，點埋泰式辣汁更加正！
大蝦冬陰功炒飯亦係惹味嘅選擇，冬陰功醬味道酸辣香濃，唧啲青檸汁平衡番更開胃，大蝦肉質彈牙蝦頭仲有膏添～
餐廳仲有一系列加入泰國元素嘅Cocktail同Mocktail，Bartender推介我飲依杯Chiang Mai Darling，混合咗橙汁、蔓越莓汁同蜜桃果蓉，食完豐盛嘅一餐最啱飲番杯酸酸甜甜嘅特飲；椰青好清甜，啲椰肉仲好易起可以當埋甜品食😋
用餐期間店員都有關心下我地對食物滿唔滿意，服務週到，喺度推介比各位鍾意食泰國菜嘅朋友仔去試下☺️
Post
