緣聚鮮鍋 (Closed)

星期一無心情工作📑，放工後更加唔使旨意有心情煮飯👩🏼‍🍳，於是決定同老公出街撐枱腳🍽。最後揀咗幾年前同同事去過嘅緣聚鮮鍋打邊爐🍲，嗰時嘅印象已經唔錯。好感恩❤️，宜家質素依然有保證。⭐️ 第一回：雞煲真材實料，無論係雞定配料嘅份量都好充足。調味香辣惹味，醬汁濃郁香甜。雞肉🐓好入味，鮮嫩得嚟有咬口，洋蔥🧅亦好清甜。⭐️ 第二回：打邊爐主打！我哋揀咗鴛鴦湯底：日式甜豉油同麻辣鴨血。兩款湯底味道都好濃郁，好高質。我比較鍾意麻辣，好香辣惹味，鴨血入味口感佳。佢哋自助區嘅選擇都幾多：熟食、飲品🧃、啤酒🍻（有樽裝同生啤😍 估唔到連我最愛嘅Hoegaarden都有！可惜最近身體狀況欠佳，不適宜飲酒😭）、打邊爐蔬菜及丸類等。而我最愛❤️嘅甜品🍮種類亦好多😍🤤，有中式甜品、自助涼粉、布甸、啫喱等。雪糕🍦味道都超多，有豆腐、咖啡、薄荷、伯爵茶、香芋等。另外仲有韓國品牌Melona雪糕條。多到都唔知揀邊款！我同老公都唔係大胃王，所以未能樣樣試晒，點到即止就好。今晚我最欣賞嘅食物有：🏆 封門柳牛肉味香濃，肉質鮮嫩有彈性。必食之選。🥈 扇貝哩度嘅扇貝新鮮清甜，鮮味濃郁，連平時打邊爐比較少食海鮮嘅我都忍唔住食咗幾隻。🥉