中環茶記 (Closed)

中環食嘢好多都係fine dining, 想食啲地道嘅原來都有唔少選擇，其中一間就係中環茶記。呢間茶記食物種類都幾多，有港式茶餐廳食品、中式小炒、西式鐵板、西式意粉、西式小食……應有盡有，梗有一款啱你。餐廳嘅裝修都幾簇新，新得來有刻意加入一些懷舊嘅元素，座位坐得舒服，店員服務態度良好，係一個唔錯嘅用餐體驗。我哋三位朋友，分別叫咗一個主菜、兩杯飲品和每一個小食，埋單每人$100鬆啲，中環來講其實都抵食㗎！韓式泡菜牛肉炒烏冬：泡菜味雖然唔算好濃，但整體嘅味道係出色嘅，有少少中式炒烏冬嘅感覺。烏冬都算彈牙，而且牛肉嘅份量都唔少，係乾炒牛河嗰種牛肉，好味呀！芝士焗肉醬意大利粉：芝士同肉醬嘅份量極多，意粉嘅份量都唔少，但係每一啖都食到厚厚嘅芝士同肉醬，正到喊呀！香煎美國牛柳拼大蝦：鐵板係我嘅all time favourite, 呢個鐵板都好正，牛柳極厚無筋，無乜肥，啖啖肉，好正！兩隻大蝦真係好大架，而且非常彈牙，冇諗過一個100幾蚊嘅鐵板可以有咁正嘅材料。配菜仲有薯條、豆角紅蘿蔔等等，總括來講好滿意呢個鐵板。雞中翼配薯仔沙律：雞中翼炸得好香好脆，薯仔沙律好多水果，好味道。飲品我哋叫咗個熱華田和