Video
Read full review
2022-06-21
553 views
整體嚟講食物質素對唔起呢個價錢，且侍應態度欠佳，令人失望。🙁事緣咁啱有事去到灣仔，諗起早幾日睇到呢間餐廳嘅網評推介，又係黃店，因此前往嘗試。落單紙上寫明需要十分鐘製作時間，然而落單之後未夠五分鐘，呢碟溫溫地唔夠熱嘅飯就送到嚟，所以推測應該係預先整定咗嘅。不過當時未夠十二點，無論外賣定係堂食，生意都根本唔算繁忙。店內座位亦都淨係半滿，因此覺得咁樣提早煮好其實唔太合理。😕其次，和牛味道實屬麻麻，畀人感覺唔多新鮮，肉味稍顯怪異，仲有幾粒好韌難咬嘅筋。蛋包飯嘅蛋幾香亦都夠滑，但係入面飯粒嘅飯香唔夠，唯有溝汁伴食以增添味道。咖哩豬肉嘅咖哩味道尚可，唔似係佢哋寫住話用咗咁多種材料熬製而應該有嘅水準。豬肉吸收咗咖哩嘅甜與鹹，都幾入味。所以嘢食滋味可以叫做係由左至右從差到好。服務方面，男侍應頗為串嘴「教」顧客做嘢，在我之後有一位男顧客畀佢大聲指點，全間舖啲人聽到晒望過去。雖然懶有禮貌講咗「唔好意思」，但明顯令人感覺係口是心非，可能覺得自己好巴閉？此人對我亦都相似，當時嗰刻並冇計較因為覺得無謂，喺度講出係希望有緣之人睇到之後，去食之前要有心理準備。😅總結就係呢間餐廳嘅食物質素同服務態度好似唔值呢個價錢，
事緣咁啱有事去到灣仔，諗起早幾日睇到呢間餐廳嘅網評推介，又係黃店，因此前往嘗試。
落單紙上寫明需要十分鐘製作時間，然而落單之後未夠五分鐘，呢碟溫溫地唔夠熱嘅飯就送到嚟，所以推測應該係預先整定咗嘅。不過當時未夠十二點，無論外賣定係堂食，生意都根本唔算繁忙。店內座位亦都淨係半滿，因此覺得咁樣提早煮好其實唔太合理。😕
其次，和牛味道實屬麻麻，畀人感覺唔多新鮮，肉味稍顯怪異，仲有幾粒好韌難咬嘅筋。
蛋包飯嘅蛋幾香亦都夠滑，但係入面飯粒嘅飯香唔夠，唯有溝汁伴食以增添味道。
咖哩豬肉嘅咖哩味道尚可，唔似係佢哋寫住話用咗咁多種材料熬製而應該有嘅水準。豬肉吸收咗咖哩嘅甜與鹹，都幾入味。所以嘢食滋味可以叫做係由左至右從差到好。
服務方面，男侍應頗為串嘴「教」顧客做嘢，在我之後有一位男顧客畀佢大聲指點，全間舖啲人聽到晒望過去。雖然懶有禮貌講咗「唔好意思」，但明顯令人感覺係口是心非，可能覺得自己好巴閉？此人對我亦都相似，當時嗰刻並冇計較因為覺得無謂，喺度講出係希望有緣之人睇到之後，去食之前要有心理準備。😅
總結就係呢間餐廳嘅食物質素同服務態度好似唔值呢個價錢，味道淨係比一般日式餐廳好少少。亦都可能係本人嘅要求同期望太高，天真以為網評推介應該唔錯，以為一舊水就可以食到好味嘅蛋包飯。😂同埋唔該唔好破壞黃店聲譽，態度欠佳甚至惡劣唔應該成為黃店嘅標籤。
Post
