Video
Read full review
2017-05-30
77 views
因工作關係時常周圍飛外地工作，同朋友聚少離多，偶然先會約出黎見下面。最近朋友婚同升職加人工，當然要同佢慶祝一下！同朋友咁耐冇見，當然想搵個地方可以靜靜地傾下計食飯，所以BOOK左呢間樓上餐廳。當然BOOK之前都做過小小資料搜集，睇過下呢間餐廳的食物照片，大概都被食物吸引住，黎之前就透過whatsapp選定了ROYAL FEAST套餐，一共九道菜。生蠔，法國fine de claire，新鮮。煎西瓜拼黑魚子醬多士，擺碟好靚好別緻，睇得出有心機之作。一口吃下第一粒西瓜，味道新奇，第一次食暖暖地嘅西瓜，經煎過嘅西瓜不像平時水份充足，因為西瓜上鋪滿杏仁粒粒，增加西瓜的嚼口感。法國鵝肝沙律，鵝肝厚身，表皮煎得很香脆，入口即溶，上碟已經頗為吸引，加上了黑醋嘅沙律菜幫助減低當中的油膩感，相當合拍。松露醬帶子刺身，一道非常驚喜嘅菜色，鮮甜且好香松露醬嘅味道，份量亦剛剛好有幾片，咬落亦鮮甜爽口、嫩滑。黑松露野菌湯，聞落就已經好香菇味，用上接近三百隻菇菌，感覺很濃非常足料，係主菜前先暖暖個胃，味道非常佳。日式黑魚子醬威士忌蒸蛋，我非常喜歡呢道菜！賣相可愛之餘亦用上我最喜歡嘅威士忌，蛋香滑，加左黑魚子醬令味
生蠔，法國fine de claire，新鮮。
煎西瓜拼黑魚子醬多士，擺碟好靚好別緻，睇得出有心機之作。一口吃下第一粒西瓜，味道新奇，第一次食暖暖地嘅西瓜，經煎過嘅西瓜不像平時水份充足，因為西瓜上鋪滿杏仁粒粒，增加西瓜的嚼口感。
法國鵝肝沙律，鵝肝厚身，表皮煎得很香脆，入口即溶，上碟已經頗為吸引，加上了黑醋嘅沙律菜幫助減低當中的油膩感，相當合拍。
松露醬帶子刺身，一道非常驚喜嘅菜色，鮮甜且好香松露醬嘅味道，份量亦剛剛好有幾片，咬落亦鮮甜爽口、嫩滑。
黑松露野菌湯，聞落就已經好香菇味，用上接近三百隻菇菌，感覺很濃非常足料，係主菜前先暖暖個胃，味道非常佳。
日式黑魚子醬威士忌蒸蛋，我非常喜歡呢道菜！賣相可愛之餘亦用上我最喜歡嘅威士忌，蛋香滑，加左黑魚子醬令味道更加還突出，蛋汁亦充滿威士忌味。明明在一間西化的餐廳食飯，但感覺比較似食緊日本菜。
食完蒸蛋後侍應遞上了雪葩，老實說有點嚇呆，為什麼主菜還未來就上甜品？侍應解釋說雪葩嘅作用於沖淡味蕾，清完個口就可以品嘗到主菜嘅原始味道
最期望嘅主菜網燒安格斯肉眼終於上枱，點了五成熟，好香肉味色澤亦好平均，入口肉質嫩滑富有肉汁，配合醬汁更為香口。不過等候時間比前菜慢了一點點，可以快一點出菜便完美。
最後有份甜品，朱古力布朗尼鬆脆，唔太甜易入口。馬卡龍有幾款唔同味道選擇，我選了檸檬味，口感同味道都唔差。
總括來說環境同食物都中上，服務亦非常貼心，除左每道菜會稍作介紹外，個男侍應見你著褸會行埋黎問你需唔需要熄部冷氣，呢份體貼值得介紹朋友來。
Post
