Video
Read full review
2015-08-19
1603 views
唔好意思，呢篇食評冇圖片，我唔記得左影相…外母今日由福建來香港，於是我就約埋父母同老婆，去左聞名已久既「軍記」食飯點解聞名已久?係因為小弟食盡港九新界，想搵最好食既肉餅，又有人推介呢間既肉餅手屈一指一行五人，叫左一個套餐，另外五個小菜1. 套餐---風沙雞呢個雞味道相當唔錯，皮脆夠乾身，而且半隻雞份量都唔少，讚！2. 套餐---蒸倉魚小弟唔好食魚，但老婆同外母相當喜歡，上菜發現條魚有返咁上下大小，賣相吸引，老婆話條蒸得岩岩好，讚！3. 套餐---上湯浸時蔬上湯浸白菜仔，賣相味道一般，而且白菜仔偏老，將貨就價算係可接受啦！4. 蠔餅呢味菜真係要讚，上菜賣相一般，但食落十分脆，而且唔油膩，但份量偏細，不過味道搭救，讚！5. 蠔仔粥外母話要食返碗飯，咁就叫個蠔仔粥啦！唔知點解腥味好重，不過五個人一人一碗食晒，算係可以接受！6. 燒乳鴿老豆見隔離臺食，佢又想食，叫左兩隻，我就唔識食，不過老豆話味道一般般，賣相亦好一般！7. 椒鹽豆腐話係招牌菜，言過其實，味道同賣相都麻麻，而且好細，炸到過晒龍，唔合格！8. 土魷蒸肉餅不知是否期望太高，我就真係極之失望，食過其他更好食既，而且上菜賣相唔得，完全冇
外母今日由福建來香港，於是我就約埋父母同老婆，去左聞名已久既「軍記」食飯
點解聞名已久?
係因為小弟食盡港九新界，想搵最好食既肉餅，又有人推介呢間既肉餅手屈一指
一行五人，叫左一個套餐，另外五個小菜
1. 套餐---風沙雞
呢個雞味道相當唔錯，皮脆夠乾身，而且半隻雞份量都唔少，讚！
2. 套餐---蒸倉魚
小弟唔好食魚，但老婆同外母相當喜歡，上菜發現條魚有返咁上下大小，賣相吸引，老婆話條蒸得岩岩好，讚！
3. 套餐---上湯浸時蔬
上湯浸白菜仔，賣相味道一般，而且白菜仔偏老，將貨就價算係可接受啦！
4. 蠔餅
呢味菜真係要讚，上菜賣相一般，但食落十分脆，而且唔油膩，但份量偏細，不過味道搭救，讚！
5. 蠔仔粥
外母話要食返碗飯，咁就叫個蠔仔粥啦！唔知點解腥味好重，不過五個人一人一碗食晒，算係可以接受！
6. 燒乳鴿
老豆見隔離臺食，佢又想食，叫左兩隻，我就唔識食，不過老豆話味道一般般，賣相亦好一般！
7. 椒鹽豆腐
話係招牌菜，言過其實，味道同賣相都麻麻，而且好細，炸到過晒龍，唔合格！
8. 土魷蒸肉餅
不知是否期望太高，我就真係極之失望，食過其他更好食既，而且上菜賣相唔得，完全冇土魷味，份量細，唔合格！
最後埋單接近600，其實一d都唔貴，不過小弟習慣睇單，以免有錯！
睇單期間，小弟發現有---50蚊唔知係乜，就走去問收銀，收銀話係茶位，小弟就真係萬個問號，住左係佐敦接近8年，又唔係沖香片鐵觀音比我地，係一般大排檔個隻茶，食遍港九新界既菜館，都真係冇茶位呢樣野（當然有d要收醬油錢），雖然唔係大數目，但菜館寫又冇寫，貼都冇貼話收茶位，所以我都要問清楚，收銀話不嬲都有，於是拗都費事拗，比左就算！而且比我check到真係有道菜計錯數！！！
總括而言，食物質素算係唔錯，位都坐得舒服，但老豆order（真正神級食家），咁既無聊收費，唔會再去呢個餐館！
Post