Video
Read full review
2021-05-11
913 views
因為母親節，就同屋企人去咗landmark食飯。見到佢有一個係專為母親節而設計嘅餐牌，我地每人都嗌咗一份去試吓。店員會因應你嗌嘅餐而提供適當嘅餐具你，服務其實都OK，而且食物都唔錯～不過就覺得佢嘅餐具有啲污糟😣 可以清晰見到佢啲餐具其實仲有啲水漬係上面，而且佢隻碟上面都有黑點😥係而家疫情情況下，我覺得餐廳應該要更加留意衛生嘅問題，因為呢啲小小嘅污跡會令到客人覺得餐廳唔太注重衛生同整潔。而且都會令到客人嘅食慾大大減低😥香煎法國鵝肝呢個鵝肝都好好食仲好大嚿，由於佢係即叫即整，所以鵝肝嘅味道十分之濃郁，而且仲係熱辣辣嘅😋佢好食嘅地方係因為佢好淋同埋入口即溶。下面仲擺放咗一啲雪梨同埋菠菜葉，同埋鵝肝一齊食就好夾龍蝦濃湯呢個龍蝦濃湯都好大碟，而且味道好濃。龍蝦湯上面仲擺咗龍蝦肉，當龍蝦肉在配埋龍蝦湯嗰陣，味道變得更加鮮更好味🦞波士頓龍蝦意大利幼麵個人認為呢個龍蝦意大利幼麵都幾好食，因為佢有好多汁，撈埋意大利麵一齊食就更好味又唔會乾。另外佢仲擺咗龍蝦肉同殼喺意大利麵旁邊，外觀加分✨店員仲會問你要唔要幫你拆埋龍蝦肉， 咁樣就可以方便啲咁樣食到🦞濃情土耳其軟糖配玫瑰花瓣雪糕🍦呢個雪糕好靚，因為雪糕上面
可以清晰見到佢啲餐具其實仲有啲水漬係上面，而且佢隻碟上面都有黑點😥係而家疫情情況下，我覺得餐廳應該要更加留意衛生嘅問題，因為呢啲小小嘅污跡會令到客人覺得餐廳唔太注重衛生同整潔。而且都會令到客人嘅食慾大大減低😥
香煎法國鵝肝
呢個鵝肝都好好食仲好大嚿，由於佢係即叫即整，所以鵝肝嘅味道十分之濃郁，而且仲係熱辣辣嘅😋佢好食嘅地方係因為佢好淋同埋入口即溶。下面仲擺放咗一啲雪梨同埋菠菜葉，同埋鵝肝一齊食就好夾
龍蝦濃湯
呢個龍蝦濃湯都好大碟，而且味道好濃。龍蝦湯上面仲擺咗龍蝦肉，當龍蝦肉在配埋龍蝦湯嗰陣，味道變得更加鮮更好味🦞
波士頓龍蝦意大利幼麵
個人認為呢個龍蝦意大利幼麵都幾好食，因為佢有好多汁，撈埋意大利麵一齊食就更好味又唔會乾。另外佢仲擺咗龍蝦肉同殼喺意大利麵旁邊，外觀加分✨店員仲會問你要唔要幫你拆埋龍蝦肉， 咁樣就可以方便啲咁樣食到🦞
濃情土耳其軟糖配玫瑰花瓣雪糕🍦
呢個雪糕好靚，因為雪糕上面擺放左一啲粉紅色嘅糖絲，好似一個藝術品咁樣👍🏻再配埋雪糕一齊食就好似有兩種味道嘅雪糕咁。玫瑰花瓣中間仲有一球玫瑰花味嘅雪糕，佢既花味唔會特別濃，而且又唔會好甜，所以都適合大眾嘅口味。另外仲有啲土耳其軟糖喺雪糕側邊，可以再一個點綴。因為土耳其軟糖係比較煙韌，所以都有唔同嘅口感✨
整體來講，其實食物嘅味道都唔錯，而且份量都比較多，店員服務都ok。不過係衛生同埋餐具乾淨嘅問題就需要改善，因為衛生問題係而家來講係十分之重要，所以希望餐廳可以多啲留意餐具乾淨嘅方面～
Post
