山見台式火鍋 (雅蘭中心)

Open Now

Now Closed

平時都有去開其他餐廳打邊奴，好耐都無寫食評，因為今次真心唔錯，有驚喜，值得破例再寫🤣雖然係90分鐘限時，但送餐速度算快，唔會食到好趕，90分鐘都好夠時間食！而今次同朋友叫既係最貴個個plan 決定食豪佢！最令我驚喜既係牛既種類多，牛扑肉同封門柳都好好食，真心鮮味好出。由於送餐快，所以不斷叫不斷黎，食到停唔到口！期間因為職員可能叫我不斷encore 牛扑肉，佢都有主動介紹我知牛扑肉係牛頸脊，由於佢既油花分佈密集，同埋數量比較少，所以職員話肉味香甜濃郁，肉質柔嫩會特別有咬口。當然打邊奴都會食埋其他野，佢既丸類唔算特別多。而第一次食花生苗，之前打邊奴從來都無試過有，真心覺得好有趣！雖然丸類唔算多，但有好多熟食選擇，甜不辣、滷水豬手、芋泥丸等等。平時其他餐廳如果係類小食都會覺得放好耐又唔熱，但係山見食就無喱個情況，好夠熱，值得一讚！而比較驚喜係甜品，有我最鐘意既芋圓，細細碗好岩食都好飽個時都仲食到，而芋圓都唔會過硬😋總括黎講，雖然係最貴個plan $358 再加一，好似有少少貴，但性價比絕對抵食！相信我好快會再黎食！