Video
Read full review
2023-04-24
149 views
呢間新開嘅西日fusion餐廳食物選擇非常多，無論係傳統嘅壽司刺身定係西式意粉都可以喺度搵到。最吸引到我係佢地骰仔造型嘅蛋糕，望落好吸引，今日咁啱去開圓方就入去試吓。▫️香蔥拖羅甜蝦蓉溫泉蛋丼 ($158) 4/5蝦肉爽口彈牙，拖羅加入刺身豉油更有鮮味，配埋流心溫泉蛋真係好滿足😋略嫌丼飯香蔥分量太少，成個飯味道唔算香。▫香煎法國鵝肝月見燒牛肉意大利飯丼 ($228) 4/5鵝肝煎得外脆內嫩，粉香油潤，味道一流，燒牛肉就恰到好處，外層焦脆，肉質軟腍，甚富肉香；將蛋黃跟意大利飯拌均，飯煮到粒粒分明，食落有口感。▫️日式咖哩炸魷魚 配 紫蘇香蒜蛋黃醬 ($88) 3/5魷魚唔韌，有咖哩嘅香味，但炸粉比較厚。▫️京都宇治抹茶蛋糕 ($82) 2/5外層嘅朱古力好甜，蛋糕質地比較硬，抹茶味唔濃郁。麻糬完全唔煙韌，亦食唔到柚子味，賣相精緻但係好睇唔好食😂店內裝修喺日系風格，坐得舒服，仲有唔少可愛嘅貓貓公仔。價錢係圓方嚟講唔算太貴，服務亦都幾好，繁忙時間店員都冇催我地走。主菜質素位於中上水平，但小食同甜品就比較令人失望。Overall rating (5粒⭐️為滿分)味道：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️
▫️香蔥拖羅甜蝦蓉溫泉蛋丼 ($158) 4/5
蝦肉爽口彈牙，拖羅加入刺身豉油更有鮮味，配埋流心溫泉蛋真係好滿足😋略嫌丼飯香蔥分量太少，成個飯味道唔算香。
香蔥拖羅甜蝦蓉溫泉蛋丼
$158
11 views
0 likes
0 comments
▫香煎法國鵝肝月見燒牛肉意大利飯丼 ($228) 4/5
鵝肝煎得外脆內嫩，粉香油潤，味道一流，燒牛肉就恰到好處，外層焦脆，肉質軟腍，甚富肉香；將蛋黃跟意大利飯拌均，飯煮到粒粒分明，食落有口感。
香煎法國鵝肝月見燒牛肉意大利飯丼
$228
20 views
0 likes
0 comments
▫️日式咖哩炸魷魚 配 紫蘇香蒜蛋黃醬 ($88) 3/5
魷魚唔韌，有咖哩嘅香味，但炸粉比較厚。
日式咖哩炸魷魚 配 紫蘇香蒜蛋黃醬
$88
9 views
0 likes
0 comments
▫️京都宇治抹茶蛋糕 ($82) 2/5
外層嘅朱古力好甜，蛋糕質地比較硬，抹茶味唔濃郁。麻糬完全唔煙韌，亦食唔到柚子味，賣相精緻但係好睇唔好食😂
京都宇治抹茶蛋糕
$82
7 views
0 likes
0 comments
店內裝修喺日系風格，坐得舒服，仲有唔少可愛嘅貓貓公仔。價錢係圓方嚟講唔算太貴，服務亦都幾好，繁忙時間店員都冇催我地走。主菜質素位於中上水平，但小食同甜品就比較令人失望。
Overall rating (5粒⭐️為滿分)
味道：⭐️⭐️⭐️⭐️
服務：⭐️⭐️⭐️⭐️
環境：⭐️⭐️⭐️⭐️⭐️
性價比：⭐️⭐️⭐️
✨想睇更多食評就記得follow - hk holidaydiary
Post
