Greyhound Café (ELEMENTS圓方) (Closed)

今晚去了圓方戲院睇Avengers後，過了對面的餐廳食飯，這間Greyhound以fusion為主，但主打泰式fusion。招牌脆炸單骨雞翼雞翼一開為二，炸得香脆，方便食用，而且份量頗多，有差不多7-8隻雞翼，適合朋友分享的小食。鮮蝦帶子墨魚汁麵本來以為是西式忌廉汁為醬汁，原來都是泰式fusion菜，以意大利羅勒葉、青胡椒粒、紅椒及番茄仔作醬汁，再用上爽口有彈性的墨魚汁意粉，新鮮的泰國大蝦、魷魚及帶子，最後表面曬上蟹子，整個口味提升，帶點泰式辣汁味道，簡單又惹味。椰子紅寶石以糖醬浸至紅色的馬蹄，依然爽脆，加上椰子雪葩及新鮮的椰子肉，充滿椰香味。Fruity Shaky Yogurt 顏色鮮艷吸睛，表面有些菠蘿及香蕉，下面是橙及乳酪，蕉味較濃，比較飽滯。