米気

Open Now

Now Closed

本身想食火夫，但要等好耐。 天氣太熱唔想等，唯有揀第二間食。米氣都要等位，好彩等咗5分鐘就有位。餐牌有多款自選：飯、主食、冷盤、熱盤等，每款不同價錢。選了紫菜飯$17、茶碗蒸$28、牛肉壽喜燒$48、忌廉蟹肉薯餅$26。紫菜飯甜甜地，個人唔太鍾意，覺得怪怪地，早知揀白飯好過。茶碗蒸夠熱，味道ok，係多水咗啲啲，呢個價錢唔太值。牛肉壽喜燒甜甜地，肉份量都ok，係呢一餐最好嘅一道菜。忌廉蟹肉薯餅就麻麻，有浸類似青蔥定芫荽味，未必人人鍾意。味道同平時嘅有啲唔同。另一份選了紫菜飯$17、紅酒汁煮牛肋條$48、鮭魚白雪山藥$24、鹽燒牛舌$36。紅酒汁煮牛肋條夠腍，但味道都算正常。鮭魚白雪山藥一pat pat無咩味，鹽燒牛舌燒到又乾又硬，有啲失望。呢度食物質數麻麻，兩個餐正常都大約$250以上，午餐嚟講性價比低。呢個價錢一係食平啲：茶記/米線/牛肉嗰啲飯仲好。一係比多啲啲食日本菜。