Video
Read full review
2010-07-08
25 views
每逢一d特別日子,我都會同honey食餐好野,今年生日我決定食餐浪漫法國菜, 所以就係openrice度搵左好耐, 決定試下呢間得獎名店- Agnes b係IFC嘅餐廳喇!環境:一入到餐廳, 所有waiter, waitress都會好nice咁welcome你, first impression唔錯. 裝修就係一般嘅中上西餐廳隔局, 有梳化位同靠牆嘅座位, 同埋有個好細嘅海景view,但係最唔好嘅就係檯與檯之間嘅距離太窄喇, 你完全聽到隔離檯嘅對話內容(同樣地, 你講嘅野, 隔離檯都會好清楚聽到啦!) 所以真係有d失望, 我覺得唔係咁啱情侶黎談心+fine dining, d 位太近喇!食物:我之前諗住會有set選擇, 原來係無架, 由於我honey係一個完全唔鍾意睇menu嘅人, 惟有由我發板啦! 我揀左:1) 湯: Daily Soup係露筍湯(HK$65): 味道一般, 同普通西餐廳無乜分別; 另外我揀左廚師推介嘅忌廉蟹湯creamy crab bisque(HK$98)俾我honey, 我honey話d蟹味有d假,好似味精整出黎d好鮮甜嘅味, 我都飲左一啖, 都同意honey
環境:
一入到餐廳, 所有waiter, waitress都會好nice咁welcome你, first impression唔錯. 裝修就係一般嘅中上西餐廳隔局, 有梳化位同靠牆嘅座位, 同埋有個好細嘅海景view,但係最唔好嘅就係檯與檯之間嘅距離太窄喇, 你完全聽到隔離檯嘅對話內容(同樣地, 你講嘅野, 隔離檯都會好清楚聽到啦!) 所以真係有d失望, 我覺得唔係咁啱情侶黎談心+fine dining, d 位太近喇!
食物:
我之前諗住會有set選擇, 原來係無架, 由於我honey係一個完全唔鍾意睇menu嘅人, 惟有由我發板啦! 我揀左:
1) 湯: Daily Soup係露筍湯(HK$65): 味道一般, 同普通西餐廳無乜分別; 另外我揀左廚師推介嘅忌廉蟹湯creamy crab bisque(HK$98)俾我honey, 我honey話d蟹味有d假,好似味精整出黎d好鮮甜嘅味, 我都飲左一啖, 都同意honey嘅comment...
2)前菜: 小青口Mussels 200g [白酒忌廉汁] (HK$150): 呢青口好細隻, 比手指甲大少少, 食個陣都幾麻煩, 一定要用手黎整開隻青口先食到, 不過, d 青口好鮮甜, 同埋個白酒忌廉sauce真係好好味, 我都"飲"左好多, 呢個要俾個good呀!
3) 主菜: 肉眼扒Rib Eye 280g (HK$388): 我係牛痴一名, 當然要揀番我最愛嘅牛菜式啦!問左個waiter嘅意見, 佢推介肉眼扒, 所以我就信佢, 揀左個280g 嘅份量, 個肉眼扒都幾好食, juicy同埋都有濃郁嘅牛味,不過, 最唔好嘅係個肉眼整得太熟喇, 我要求五成熟, 佢整左成七成熟俾我呀!以一間中高檔餐廳黎講, 呢個錯係唔可以接受囉! 仲要成四舊水, 真係有d唔值呀!之後, 有個好似manager嘅人黎問我地意見, 我同佢講個肉眼煮得太熟, 佢淨係俾左個有少少sorry嘅表情我, 唉!
4) 主菜: 雜菌炒扁意大利麵Ratatouille Linguini (HK$150): 意粉嘅質感係al dente嘅, 而配菜就係一般嘅黃椒, 紅椒, 同埋幾款菌類, 不過, 唔知點解, d意粉同配菜加埋個蕃茄茸sauce好似完全唔夾咁, 食到你唔想食加無心機, 到最後都食唔晒...
5)飲品: 同大多數嘅貴價餐廳一樣, 水係要另外叫架, 有sparkling(有汽)同still(無汽)嘅礦泉水俾你揀, 我地要左無汽嘅Jouvence (still), 盛惠HK$68; 另外, 當晚我想飲酒, 但係honey就唔想飲, 所以我就問waiter有咩推介, 我個人比較鍾意較fruity嘅紅酒, 咁個waiter就介紹左Clos du Roca嘅紅酒俾我, (HK$75/glass), 味道都OK!
6) 甜品: 最後, 緊係少不了嘅生日蛋糕啦! 我honey知道我鍾意食拿破侖餅, 佢一早訂左. 我都好期待呀, 因為Agnes b甜品都好出名, 諗住之前有d 菜式唔好食, 食甜品可以拉番高d分, 同埋有個完滿d嘅dinner啦!估唔到個甜品係最令人失望嘅! 個蛋糕係4寸嘅rasperry 拿破侖餅(HK$180),仲要成差唔多兩舊水. 但係個蛋糕係同一般嘅拿破侖餅好唔同, 只有有三塊酥皮,中間夾滿紅莓同custard, 但係d酥皮一d都唔crispy, 我切左一下都"抆"唔番把刀出黎呀, 而且d紅莓好酸,同酥皮d味道都唔match, 我同honey食左兩啖都唔想食, 但係又唔想咁浪費, 所以就打包左半個走, 返屋企先再處置!
總括黎講, 呢餐係我近幾年食過最失望同唔好味嘅生日飯呀! 貴之餘加超級唔開心,環境同服務真係好一般. 我地食左總共$1,300蚊, 以咁嘅價錢, 我寧願去Ruth Chris 或者金鐘酒店d 西餐廳食好過呀!
Post