Video
Read full review
2015-06-10
345 views
如果你係鰂魚涌人，咁你應該會知海光街有間食地中海嘢嘅餐廳叫 Tava，d 嘢食都 ok, 先嗰排閂咗我仲以為執咗，點知係變身做 LBK (lobster, burger, kebab)。喺鰂魚涌有幾間賣漢堡包嘅餐廳，所以當其中一個賣點係漢堡包令我有 d 好奇，佢地漢堡包有牛肉､雞肉 ､龍蝦 ､同比較特別嘅 falafel，我叫佢做炸鷹嘴豆餅，其實我喺佢開咗之後去過好多次，今次呢篇 review 係以我今日外賣為題。我唔鍾意等，所以我通常會打定去落 order，今日亦唔例外。聽電話嘅係一位女士，我話要兩份 falafel burgers, 佢覆一份，要講幾次先明 (之前試過要三份得一份，結果要等佢再做兩份，阿姐姐亦無咩歉意)。去到 d食物 ready，兩份合共百三蚊。望下，得一袋嘢嘅 (平時兩袋)，望下裡面無沙律，問佢啦，佢悠閒地問(個袋) 裡面無咩？我話無，佢先慢慢入去搞。d service咁，嘢食更好味都打折扣啦。到 d食物喇，我叫嘅係 falafel burger，其實係漢堡包跟薯條同一碗沙律。漢堡包：有三塊 falafel，蕃茄，洋蔥通生菜，分量唔算大，味道 okay，不過個包唔
喺鰂魚涌有幾間賣漢堡包嘅餐廳，所以當其中一個賣點係漢堡包令我有 d 好奇，佢地漢堡包有牛肉､雞肉 ､龍蝦 ､同比較特別嘅 falafel，我叫佢做炸鷹嘴豆餅，其實我喺佢開咗之後去過好多次，今次呢篇 review 係以我今日外賣為題。
我唔鍾意等，所以我通常會打定去落 order，今日亦唔例外。聽電話嘅係一位女士，我話要兩份 falafel burgers, 佢覆一份，要講幾次先明 (之前試過要三份得一份，結果要等佢再做兩份，阿姐姐亦無咩歉意)。去到 d食物 ready，兩份合共百三蚊。望下，得一袋嘢嘅 (平時兩袋)，望下裡面無沙律，問佢啦，佢悠閒地問(個袋) 裡面無咩？我話無，佢先慢慢入去搞。d service咁，嘢食更好味都打折扣啦。
到 d食物喇，我叫嘅係 falafel burger，其實係漢堡包跟薯條同一碗沙律。
漢堡包：有三塊 falafel，蕃茄，洋蔥通生菜，分量唔算大，味道 okay，不過個包唔熱，扣分。
沙律：有蘿蔔絲，紅菜頭絲同幾種菜，平時個沙律汁幾好味，唔知點解今日個汁得酸味。
薯條：一般。
總括嚟講嘢食 ok , 服務有待改進。
Other Info. :
- 之前 Tava 我鍾意佢個 chicken doner，LBK開咗之後試過個味同質地有 d怪，自此無再試。
- 佢 d 漢堡包整得算快，如果你唔趕時間去到叫都 okay，人唔算多。
(The above review is the personal opinion of a user which does not represent OpenRice's point of view.)
Post
