巴蜀軒豬扒酸辣米線

Open Now

Now Closed

用左openrice咁耐都未寫過食評，呢一間巴蜀軒真係唔寫唔得。我係晏晝十一點半未夠入到去，裏面只有四張四至六人枱同一張可以坐兩個人嘅小摺枱。見當時其中一張四至六人枱已經有四個人坐咗喺度，鋪裏面嘅人又唔理我 我咪自己坐低咗享晌其中一張四至六人枱度啦，反正都唔多人。 坐低咗又無人比餐牌我，心諗好多茶記都係咁， 見幅牆上面都印咗menu，睇完我就大大聲落order，叫咗雞扒麻辣四川粉，食物冇乜特別唔係難食，係值40蚊嘅。跟住再有另外三個女仔入咗嚟，唔知點解成間餐廳都冇人， 餐廳職員硬係要三個女仔坐喺我張枱嗰度。 點知三條女又極度嘈吵 ，咁我就問佢哋我可唔可以坐其他枱啦。結果係有人"黑著面"咁話畀我知你都係一個人，佢哋三個人， 坐返喺度啦唔好行嚟行去換來換去啦。"我11:24坐低，而家12:01都食完仲打緊食評，咁早食都係諗住唔同人迫， 亦都冇諗過阻住你張枱阻住你做生意囉。我從來都未試過晌呢啲非繁忙、拍烏蠅時段遇到咁嘅態度。食物質素不能抵銷非常惡劣服務態度，以後我會黑名單佢。