濤 (Closed)

每次嚟都會嗌雜錦魚生飯，魚生一向都新鮮，份量亦好足，次次嚟都食到好飽。但係今日就遇到一位態度非常非常惡劣嘅短頭髮女侍應，話說我哋食完飯想加啲熱茶，朋友遞手示意，短頭髮女侍應過嚟問我哋需要啲乜嘢，我哋話想加啲熱茶，佢答「哦，嗌我過嚟淨係想加茶咋係馬」，我哋即時O嘴。到埋單時我哋再遞手，佢又過嚟話「得喇得喇，見到你哋遞手喇」其實如果客人想加熱茶或者埋單，唔遞手可以點呢？食物好固然係重要，但服務態度係更加重要！