Video
Read full review
2017-08-27
691 views
阿囡就黎生日，又有藉口食餐好嘅今晚我地揀咗觀塘呢間御膳，地點唔算方便，但有好幾個同事食過都話正，於是我哋就黎試吓。私房菜要預早聯絡餐廳，揀定菜式，我哋今晚個餐好豐富架打頭陣嘅係野菌龍骨湯，個湯味道都幾濃但又唔會太鹹喎，入面有好多菇菇同滑溜嘅豆腐。頭盤係一個拼盤，同事話麻辣拼盤好味，但我哋全家都唔係好食得辣，於是就叫咗個唔辣嘅拼盤！拼盤有三樣嘢：豬腸、涼拌雞絲、牛肚。豬腸最好食，又腍又入味中間嘅涼拌雞絲撈咗啲青瓜，感覺幾fresh！牛肚都煮得好腍，不過我就嫌佢味道重左少少。之後到菊子魚，好睇又好食！條東星班起晒肉變咗一球球菊花，上面淋咗好清新嘅柚子味醬汁，酸酸甜甜咁，中和左炸魚嘅油膩感，大人細路都好欣賞呢個菜式蒜蓉粉絲蒸蟶子皇，一人一隻！聖子落咗生蒜熟蒜一齊蒸，一上枱已經聞到好香嘅蒜味！聖子皇大大隻，用料新鮮，口感爽彈墊底嘅粉絲仲正，吸晒聖子嘅鮮味同埋蒜蓉嘅味道之後嚟咗個金絲翡翠鳳尾蝦呢個餸擺得好精緻，鳳尾蝦肉質爽口，而且去咗蝦殻，食起上嚟好方便。呢個餸嘅顏色睇落好清淡，但食起上嚟味道都幾濃，特別係墊底嗰件瓜，吸收晒高湯嘅味道，略為鹹咗少少。跟住就到左今晚另一個最正嘅菜式：花雕蛋白蒸大肉
今晚我地揀咗觀塘呢間御膳，地點唔算方便，但有好幾個同事食過都話正，於是我哋就黎試吓。
私房菜要預早聯絡餐廳，揀定菜式，我哋今晚個餐好豐富架
打頭陣嘅係野菌龍骨湯，個湯味道都幾濃但又唔會太鹹喎，入面有好多菇菇同滑溜嘅豆腐。
野菌龍骨湯
27 views
0 likes
0 comments
頭盤係一個拼盤，同事話麻辣拼盤好味，但我哋全家都唔係好食得辣，於是就叫咗個唔辣嘅拼盤！
拼盤有三樣嘢：豬腸、涼拌雞絲、牛肚。
豬腸最好食，又腍又入味
中間嘅涼拌雞絲撈咗啲青瓜，感覺幾fresh！
牛肚都煮得好腍，不過我就嫌佢味道重左少少。
之後到菊子魚，好睇又好食！
菊子魚
34 views
0 likes
0 comments
條東星班起晒肉變咗一球球菊花，上面淋咗好清新嘅柚子味醬汁，酸酸甜甜咁，中和左炸魚嘅油膩感，大人細路都好欣賞呢個菜式
蒜蓉粉絲蒸蟶子皇，一人一隻！
聖子落咗生蒜熟蒜一齊蒸，一上枱已經聞到好香嘅蒜味！
蒜蓉粉絲蒸蟶子皇
13 views
0 likes
0 comments
聖子皇大大隻，用料新鮮，口感爽彈墊底嘅粉絲仲正，吸晒聖子嘅鮮味同埋蒜蓉嘅味道
之後嚟咗個金絲翡翠鳳尾蝦
金絲翡翠鳳尾蝦
15 views
0 likes
0 comments
呢個餸擺得好精緻，鳳尾蝦肉質爽口，而且去咗蝦殻，食起上嚟好方便。呢個餸嘅顏色睇落好清淡，但食起上嚟味道都幾濃，特別係墊底嗰件瓜，吸收晒高湯嘅味道，略為鹹咗少少。
跟住就到左今晚另一個最正嘅菜式：花雕蛋白蒸大肉蟹
花雕蛋白蒸大肉蟹
26 views
0 likes
0 comments
大肉蟹蝦蝦霸覇咁坐喺碟花雕蒸蛋白上面 蛋白有淡淡嘅酒香，老公就最欣賞！
蟹肉味道鮮甜，口感細嫩，識食一定係咁樣成隻蟹鉗食，非常滋味
食咗咁多肉點都要食番啲蔬菜
碧綠炒花枝
13 views
0 likes
0 comments
西蘭花同花枝一向都係理想配搭！碧綠嘅西蘭花新鮮爽口，花枝片口感有彈性，成個餸健康又好味
其實食到呢度已經好飽
不過我哋仲有兩個餸、炒麵同埋甜品！
我哋成日都係咁，點餸嘅時候眼闊肚窄。。
poon Jan金華玉樹雞
20 views
0 likes
0 comments
半隻金華玉樹雞味道清清地，金華火腿可能浸過蜜糖，鹹鹹甜甜咁，味道好特別最後食唔晒啲雞，但金華火腿就食晒囉
不過金華火腿味道好突出，掩蓋左雞嘅味道。
呢個士多啤梨骨係阿囡女全晚最鍾意嘅餸，味道酸甜，食到佢lam lam脷
本身我覺得士多啤梨同排骨呢個配搭好奇怪，但點知出到嚟效果都唔錯，味道新奇，排骨食落又唔會好滯
最後仲有蟹油炒麵同甜品
不過飽得滯，差唔多成碟麵打包咗，一啲都冇浪費臨走同侍應傾咗幾句，原來兩個人都可以book佢地嘅私房菜，菜式當然無四人餐咁豐富，不過勝在人小小都OK，而且又係免開瓶費，下次兩公婆拍拖食飯都得
Post
