羅麥記 (Closed)

同兩個朋友行hysan ，本身諗住食對面wired cafe(我地3個都好鐘意食, 成日食), 見成日食對面就不如試下呢間。裝潢得好有香港特色的一間茶餐廳，以我地啲港女覺得影相會靚就吸引左入黎，希望唔會中伏啦...第一味係羅麥雞亦(辣的), 我兩個朋友一食就已經話好辣，其中一個食左一啖已經唔再食(利申佢係唔食得辣，譚仔平時食清湯的), 另一個話辣不過都繼續食。而我，平時譚仔食開譚仔小辣的，就覺得個雞亦幾好食，有辣味同瑞士汁match埋，不錯 其實可以見到圖中佢d辣粉喺放喺面，如果真係怕辣可以喺d汁度洗洗佢。 磚頭焗豬扒飯果然係同我諗既一樣，只係"桌頭"野。外面喺多士盒包住入面勁多飯，豬扒唔多。好快就會食哂d豬扒，餘下好多飯同包(已經盡量食但都係唔會食得哂) 豬頸肉芝士撈公非常普通，自己屋企都會整得到個麵太淋，對於我食開麵硬既人來講真係唔ok同埋個芝士汁好淡，似白汁多d 海南雞飯正正常常的一個海南雞飯不過個油飯唔夠好味，唔夠油雞的份量唔多但比起個麵就覺得好好多 總括來講，除左個雞亦我覺得好食，其他都非常普通，個芝士麵最差。我想我都應該唔會再來了