Video
Read full review
2012-07-23
16 views
話說小弟之前都係OPENRICE食過幾篇食評，不過都貪方便無登記，但係近期去左幾間餐廳之後，都頗有感想，心血來潮就決定正式註冊開始我的食評之路。經過反覆思考後，決定將我第一次獻比呢間位於尖沙咀亞士厘道的八王子。原因？睇下面就就知。先講廳的裝潢，甫到門口已經感受到懷舊復古的氣息，店內陳列左不少日式老舊玩具、電影海報等等，但係又唔會感覺殘舊，相信一定花不過不少心思構想，未食已經留下好印象，絕對值得一讚。由於當日我連同朋友一行三人，所以門口女侍應安排左卡位比我地。睇過餐牌，本來打算叫枝清酒飲下，不過由於一位朋友要開車，另一位又唔太好酒，結果無叫到，下次有機會再試。（另外一提，大杯生啤2杯都係80，見到在場不少客人都有點，睇黎都相當抵飲。）一輪討論後，最後只決定叫左以下三樣野：三款刺身都非常新鮮，而且睇得出師傳刀工頗精，特別推介平貝，爽口鮮甜，咬落去直情有汁爆出黎咁但又唔會腥！之後由於我地三個懶諗食咩既關係，決定叫左個八王子壽司大拼盤，本來都諗住食用黎填飽個肚，點知竟然都有驚喜。先講下有D咩壽司先，分別有：拖羅，牡丹蝦，海膽，和牛，三文魚子，三文魚腩，劍魚腩，吞拿角腩蓉卷。通常食壽司拼盤都會遇
先講廳的裝潢，甫到門口已經感受到懷舊復古的氣息，店內陳列左不少日式老舊玩具、電影海報等等，但係又唔會感覺殘舊，相信一定花不過不少心思構想，未食已經留下好印象，絕對值得一讚。
由於當日我連同朋友一行三人，所以門口女侍應安排左卡位比我地。睇過餐牌，本來打算叫枝清酒飲下，不過由於一位朋友要開車，另一位又唔太好酒，結果無叫到，下次有機會再試。（另外一提，大杯生啤2杯都係80，見到在場不少客人都有點，睇黎都相當抵飲。）
一輪討論後，最後只決定叫左以下三樣野：三款刺身都非常新鮮，而且睇得出師傳刀工頗精，特別推介平貝，爽口鮮甜，咬落去直情有汁爆出黎咁但又唔會腥！
之後由於我地三個懶諗食咩既關係，決定叫左個八王子壽司大拼盤，本來都諗住食用黎填飽個肚，點知竟然都有驚喜。先講下有D咩壽司先，分別有：拖羅，牡丹蝦，海膽，和牛，三文魚子，三文魚腩，劍魚腩，吞拿角腩蓉卷。通常食壽司拼盤都會遇到「揸流攤」的情況，不過呢個拼盤就絕無欺場，個人特別推介拖羅同牡丹蝦，另外朋友食既和牛同海膽都話不俗！
最後係霜燒和牛，一黎到已經忍唔住要大快朵頤，差點唔記得影相，情急之下影到有少少手震，希望大家見諒。一入口果然無令我失望，淨係放係口入面含住，和牛既鮮味已經充斥住成個口甚至湧上個鼻，再等佢係口裡慢慢溶化，一流！食完一塊要停一停唔好急住再食，慢慢感受下個種齒頰留香，絕對係上等享受，話係我出世以來食過最好食既牛肉TOP3都唔會誇張，呢味菜亦都係我點解要將第一次正式食評獻比八王子既原因。最後都要讚一讚staff的服務，收換碟同加茶等都非常勤快同有禮貌，日後必定會再黎試下其他野！總括而言，八王子比我的第一次印象十分之，好到再食後時再寫過！
Post
