星級餐廳

Open Now

Now Closed

今晚去奧運站探朋友，朋友就帶左我去樓下食火鍋放題，有幾款價錢揀，豐儉由人，我地就揀左B餐，美國Choice黑安格斯牛板鍵套餐，可以任食美國Choice黑安格斯牛板鍵同埋無限添加秘製雞煲。火鍋配料除左一般食材，仲有好多比較特別既丸類，例如麻辣湯包丸、蟹籽蟹粉包，除左一般食材，仲有高級食材揀，例如花膠、田雞、鱔片、鮑魚仔、帆立貝等，性價比高，仲可以食足2.5小時，唔會趕頭趕命。除此之外，仲可以優惠價$10隻愛爾蘭生蠔，$13隻機煮鮑魚，仲可以無限追加。仲可以叫新鮮芝士焗龍蝦，每一隻重量約有一斤。飲品竟然有支裝可樂、忌廉、芬達橙汁，仲有自家製珍珠奶茶，即磨鮮奶咖啡等，其他特色飲品外觀都非常吸引，打卡一流。鍾意飲酒既可以加$58任飲紅酒白酒，梅酒，清酒及生啤。最後仲有即叫即做既窩夫甜品，同埋有大量不同牌子的雪糕雪條。