滿江紅小甜甜 (Closed)

今日同朋友過嚟灣仔呢邊食好嘢，突然間想食辣，於是搵到呢間滿江紅 好耐之前喺另一間分店食過都唔錯。環境好似去咗四川、成都嗰種feel，都幾正，比較中式，令人感覺到地道啲。《雞湯小雲吞》小雲吞食得出係手製，每一粒都食到足料嘅肉，雲吞皮都好薄好滑，好好味。《花雕醉雞煲》藥材味好濃郁，追求濃郁嘅花雕醉酒味呢個就啱晒，雞件索晒個湯嘅精華，而且唔會好孩，十分唔錯！《孜然炒回鍋牛肉》好濃味，好香孜然味，牛肉好入味但唔會太鹹，口感好林，好正！送飯一流。《麻辣牛展》牛展真係好正，一啲都唔乾唔孩，而且炒得好入味好香，尖椒都好好食，僻晒啲辣味，狂食都唔怕，送飯好正！ 總括嚟講，呢間川菜嘅價錢唔貴而且味道都唔錯，經過灣仔呢邊又想食辣嘢就唔好錯過啦。