三小漁 (Renamed) View

幾個月前食過三小漁，對手作糖山冰鎮咕嚕肉極為深刻印象，好想再encore，所以同家人們再次幫襯！餐廳主打新派創新粤式小炒、多款海鮮、甜品和燉湯。餐廳裝修充滿中式的味道，牆身和掛簾都有三少漁標誌，座位寬敞舒適，服務員招呼有禮。手作糖山冰鎮咕嚕肉 $198冰鎮咕嚕肉係餐廳招牌菜之一，上桌非常吸晴。水晶設計的玻璃器皿乘載著诱明的冰粒、橙色的咕嚕肉和黃色的菠蘿。咕嚕肉入口清涼爽脆，菠蘿酸酸甜甜非常醒胃。椒鹽鮮鱿 $138鮮魷炸漿不厚，食落軟度適中兼彈牙，椒鹽鮮魷再點埋個配汁夠晒入味。蓮藕蜜椒骨 $138廚師薄切蓮藕再炸，食落口感脆卜卜，蜜糖椒骨炸到入口香脆鬆化。艇家醬香炒蜆 $128廚師用艇家醬、紅洋葱、辣椒和香葱炒蜆，香辣肥美的海蜆已用好吐沙處理，好野味。手拍芥末青瓜 $42這個小食青瓜份量都不少，長短厚薄適中，少辣，入口清爽。