肉浦團火鍋放題

Open Now

Now Closed

以為打邊爐唔會有伏？咁你就真係錯得好離譜！呢間都唔知點解仲生存架到，牛摩都吊打佢⋯⋯我哋揀咗花膠雞湯底，個味道同出前一丁嗰個九州豬骨一樣，只係加咗啲雞件同埋加咗啲"花膠". 好重味精味， 好鹹。啲牛肉擺落去淥，勁大浸湯底味，完全食唔到牛味。 牛肉嘅質素正常，全部都係薄切。 個人覺得最好食係牛背峰，其他牛都差唔多，因為湯底太鹹，遮住咗牛味。至於個凍櫃，其實行過去都有浸怪味。因為佢標明係金妹牌芝士腸，諗住係正常啲，點知個味道都有啲奇怪。 跟住啲金菇又黃又乾身。 最後淨係食咗冬瓜同埋少少菠菜就完咗。熱食炸物嚟講，個麥樂雞都係咬一啖就食唔落，果層皮又厚又硬。薯格又係，真係石頭咁硬，好乾身😂跟住都冇甜品，雪糕都冇，乜野啫喱糯米糍都唔見影🫡後記，其實都唔係食得好飽，最後搭巴士嘅時候開始想嘔，唔知係架巴士太震定係點啦。