Video
Read full review
2019-11-22
221 views
做得良心黃店，食物都要攞個心出黎煮，但呢間餐廳嘅食物質素可以用差劣黎形容，廚師唔識調味，可算係我係香港食過最難食嘅居酒屋。先講鰻魚飯，呢間係日本餐廳但唔係用日本米，亦都唔係香港人食開嘅泰國米，我估用咗雙羊百搭米，因為佢飯粒較圓但唔煙韌，不過用咩米都好，總之就係又爛又無口感。而且鰻魚處理得唔太乾淨，食到有少少泥味同有少少骨，而廚師嘗試用極濃味嘅醬汁去遮蓋陣泥味，可惜唔成功之餘，仲令到鰻魚過咸。再黎講講燒物。豆腐太淡，雞腎同牛舌太韌，鹽燒雞翼過咸又乾，茄子醬汁過甜亦燒得唔夠淋，基本上調味同燒嘅技巧都出事，唔合格。至於魚生，我地淨係嗌咗帆立貝，我自己無食，但朋友指唔太爽甜，好一般。唯一好食係炸物，咖哩薯餅幾香脆，咖哩濃郁但唔辣，啱我口味。另外炸蠔都唔錯，係有一兩隻蠔太細，粉漿太厚。不過最大問題係服務，呢間居酒屋人均消費最少都要200至300蚊，唔算平，但佢嘅服務奇差，主因係人手不足，滿座時客人約有40人，但得一至兩個侍應應付樓面。我地問侍應要杯水時，佢竟然答：「得閒先！」非常無禮貌，令人詫異，然後差唔多15分鐘之後先比到水我地，甚至要埋單，都等咗好耐，想走都無得走。呢間餐廳係openrice
先講鰻魚飯，呢間係日本餐廳但唔係用日本米，亦都唔係香港人食開嘅泰國米，我估用咗雙羊百搭米，因為佢飯粒較圓但唔煙韌，不過用咩米都好，總之就係又爛又無口感。而且鰻魚處理得唔太乾淨，食到有少少泥味同有少少骨，而廚師嘗試用極濃味嘅醬汁去遮蓋陣泥味，可惜唔成功之餘，仲令到鰻魚過咸。
再黎講講燒物。豆腐太淡，雞腎同牛舌太韌，鹽燒雞翼過咸又乾，茄子醬汁過甜亦燒得唔夠淋，基本上調味同燒嘅技巧都出事，唔合格。
至於魚生，我地淨係嗌咗帆立貝，我自己無食，但朋友指唔太爽甜，好一般。
唯一好食係炸物，咖哩薯餅幾香脆，咖哩濃郁但唔辣，啱我口味。另外炸蠔都唔錯，係有一兩隻蠔太細，粉漿太厚。
不過最大問題係服務，呢間居酒屋人均消費最少都要200至300蚊，唔算平，但佢嘅服務奇差，主因係人手不足，滿座時客人約有40人，但得一至兩個侍應應付樓面。我地問侍應要杯水時，佢竟然答：「得閒先！」非常無禮貌，令人詫異，然後差唔多15分鐘之後先比到水我地，甚至要埋單，都等咗好耐，想走都無得走。
呢間餐廳係openrice 有好多好評，當日門口亦都有好多人排隊，平日夜晚三個人都等咗半個鐘先有得入座，有如此人氣，如果仲唔改善食物質素同服務態度，實在係沽名釣譽。
Post
