Video
Read full review
2010-03-11
4 views
真係唔明，個鋪頭外面個樣整到好似ok，入面d 野點解可以難食到咁......仲要貨不對辦!!!話說小弟同女朋友行完寵物街之後想搵野食，落旺角經過呢間野之後俾佢"江川烏冬"呢四隻字吸引左埋去。入到去望住個menu好似好吸引，好快就叫左兩樣野:1, 西京比目魚烏冬套餐 ($46 + 10%) (日本唔知乜Q 汁湯底) 2, 和風金菇黑豚肉套餐 ($42 + 10%) (豬骨湯底) 先上和風金菇黑豚肉套餐，餐牌上面既配菜冇左，我問經理D 配菜去左邊，佢話果D 係蔥，已經倒左入去碗湯入面...下??唔係呀??除左知道入左黑店，已經冇咩好講...再試一試個豬骨湯...我即刻好掛住味千...淡茂茂，冇乜味。烏冬又係出左事，一D 都唔彈呀，同阿媽買一包包果D 烏冬冇乜分別。係青衣間赤丸製麵所(無論係質素下降前後)同埋屯門間自家烏冬都好食過佢一百倍，價錢仲平添!!不過好戲仲係後頭，個西京比目魚烏冬套餐黎到仲精彩，個日本醬油湯底簡直係麵鼓湯溝左好多水...我女朋友一食就話好難食...最後我地調轉左個湯底黎食...我相信呢碗野會係我人生入面食過最難食既一個湯底...埋單$102，我個肚食有堆野係入面，但當
話說小弟同女朋友行完寵物街之後想搵野食，落旺角經過呢間野之後俾佢"江川烏冬"呢四隻字吸引左埋去。
入到去望住個menu好似好吸引，好快就叫左兩樣野:
1, 西京比目魚烏冬套餐 ($46 + 10%) (日本唔知乜Q 汁湯底)
2, 和風金菇黑豚肉套餐 ($42 + 10%) (豬骨湯底)
先上和風金菇黑豚肉套餐，餐牌上面既配菜冇左，我問經理D 配菜去左邊，佢話果D 係蔥，已經倒左入去碗湯入面...下??唔係呀??除左知道入左黑店，已經冇咩好講...
再試一試個豬骨湯...我即刻好掛住味千...淡茂茂，冇乜味。
烏冬又係出左事，一D 都唔彈呀，同阿媽買一包包果D 烏冬冇乜分別。係青衣間赤丸製麵所(無論係質素下降前後)同埋屯門間自家烏冬都好食過佢一百倍，價錢仲平添!!
不過好戲仲係後頭，個西京比目魚烏冬套餐黎到仲精彩，個日本醬油湯底簡直係麵鼓湯溝左好多水...我女朋友一食就話好難食...最後我地調轉左個湯底黎食...我相信呢碗野會係我人生入面食過最難食既一個湯底...
埋單$102，我個肚食有堆野係入面，但當晚完全冇滿足感...我亦有留意其他食客表情，點解好似食得咁開心.........................................................................................
我就好後悔喇...
如果你都想後悔既話就入黎試下啦!
如果你係個老闆，唔該你試下當自己係個客，入去望住個餐牌，再食下D 烏冬...
真係好唔掂...如果唔改善一下，係香港呢個咁COMPETITIVE既地方......點生存?
Post
