吉列牛忌廉烏冬專門店 (百樂中心) (Closed)

假日和朋友仔來到銅鑼灣吉列牛忌廉烏冬專門店，第一次來，估唔到原來咁正斗，店舖環境頗大，坐得好舒服。點了一個美式頂級牛里脊套餐＄178，仲有咸蛋薯條＄38，套餐包括有鐵盤上的頂級牛里脊和芝士大啡菇，配有秘製醬汁，而且仲點左香辣忌廉雞肉炒麵＄78，各款都非常值得推介，味道一流。咸蛋薯條炸得香脆金黃，仲要有特別的咸蛋味道，香囗又可口，正！美式頂級牛里脊套餐內的牛里脊由小鐵盤盛上，牛里脊感覺有一至兩成熟，把牛肉切成一小片一小片的，放上已預熱的石爐上燒，特別過癮，自行按囗味安排想燒至幾熟，牛肉為牛里脊，肉質軟稔，濃濃的牛肉香氣，特別有感，簡直不得了。而芝士大啡菇，啡菇好大的一隻，軟淋淋的肉汁豐富，菇上的芝士拉出一絲絲的，配合非常，邊吃牛邊吃大啡菇有一種中和的感覺。香辣忌廉雞肉炒麵，係一大碗黃色的咖喱忌廉在面頭，入面係雞肉炒麵，味道是微辣的，特別滋味開胃，很不錯呢！的確是一間值得推薦的餐廳。