新記煲仔雞粥 (Closed)

今日決定食粥，嚟咗呢間出名食雞粥嘅新記。咁當然要叫雞粥食啦！粥底本身都夠味，算綿，都唔錯。雞件有胸位有髀位，雞胸位難免嚡啲，髀位就當然滑啲。夾夾埋埋都有七八件雞，份量OK。.另外都有叫腸粉，呢度啲腸粉好似都出名。叫咗鮮蝦腸，腸粉都算滑，收貨啦。一碟有三條，每條腸粉有兩隻蝦。皮蛋我拎嚟送粥食😉皮蛋同鯪魚球整體都OK。鯪魚球即叫即炸，食落熱辣辣。火腿炒米粉，必加甜醬！炒米粉撈甜醬好食。.整體正正常常，如果想食粥腸粉炒粉類嘅話，都係一個選擇。