越一越南牛肉粉專門店 (Closed)

很不幸地，因為家人有事入院，為食鬼收工飛奔到聖母醫院。一輪探病之後，約8點都未食晚飯，決定係附近醫下肚。逛一回見到有新開張既越一牛肉粉專門店，之前都只係聽過上環有，估唔到係環鳳街都開左間。註：店面裝橫都有心思既，見到唔少越南特式裝飾品，而且佢仲不斷有香薰從天花板既木板中漂出，頗有心思。 註：咖哩牛腩飯，$55。牛肉專門店應該牛肉係重點，不過主角卻係咖哩汁，香濃得黎唔算辣，而且奶味重，算係有東南亞特色。牛肉唔老，但無想像中咁香，只係一般。份量亦略小，對男士黎講會唔夠飽。註：越式香茅豬扒飯，$52。依樣就唔關牛肉事呀，但比起牛肉更正。豬扒肉比一般既厚，同埋有肉汁。食落唔會乾之餘，亦都夠香，算係較好味。總結：為食鬼覺得越一價錢唔算話太平，小食亦都有啲貴，所以都無叫到。但咖哩汁同豬扒都算有亮點，加埋地方乾淨企理，加返分。