佳記甜品

Open Now

Now Closed

好少入元朗，上次得兩丁友無法挑戰B仔涼粉，今次三人一致想食B仔涼粉😋除此之外，由於太肚餓既關係，仲order左魚蛋、腸粉同蘿蔔。落單時會問你魚蛋、腸粉辣唔辣，腸粉走咩醬👍🏻熱食先上，迷你魚蛋口感幾好，食到有陳皮味！腸粉好滑，麻醬好好食！相反蘿蔔比較硬，而且有渣😂KO完熱食後，到甜品時間😍B仔涼粉其實係巨型生果撈涼粉，足料之餘擺盤又靚，生果有西瓜、密瓜、哈密瓜、木瓜、菠蘿、大樹菠蘿、罐頭蜜桃、奇異果、香蕉、龍眼（如無遺漏😂) 仲有椰果、蘆薈等配料，除左香蕉太淋，其餘都好食！另附上一碗淡奶for食涼粉，因本人不好涼粉，所以對涼粉無意見😂最後每人食左好幾碗，終於都ko左90%👏🏻👏🏻👏🏻 埋單$115，每人約$40，好抵食！