Video
Read full review
2013-07-30
第一次接觸甜牙牙是去旺角分店，當時吃的是心太軟，價錢中等，但端上來的甜品總是擺放得很有heart，讓人未食已經流口水，這大概是我對甜牙牙的最大印象！早兩次食心太軟都幾滿意架，最緊要朱古力味夠濃就perfect！今次食，依然有模有樣，但味道真係有少少失望！朱古力岩漿的味道就好似細細個成日食的金幣朱古力咁，甜得黎有少少假！點會咁架？個蛋糕位明明做得好好味，但入面的朱古力味道太古怪啦～希望下次再食會回復水準！講真，凍又好、熱又好，只要係真綠茶，我都勁愛！但綠茶的副產品喇喎.....其實真係一般，但佢有我最愛的紅豆襯托，又不妨一試XD呢個紅豆綠茶木糠布丁批($38)有驚喜！雖然綠茶雪糕唔夠濃味，木糠布丁又比較淡口，但紅豆超清甜！完全可以balance返整個口味。不過兩個人食就有少少膩，3-4個人剛好！呢份蕉糖脆蕉(加芝麻脆脆伴雪糕)($39)同樣是驚喜之作！尤其係果片芝麻脆脆，好似花生糖，甜甜地好好味～即使放久了不夠脆都依然美味！食一啖脆脆，再食一啖雪糕，兩種截然不同的口感令我味蕾好滿足！芭娜娜提拉米蘇pancake(內置芭娜娜及tiramisu芝士) - $49顧名思義，就係香蕉為主打的甜品
價錢中等，但端上來的甜品總是擺放得很有heart，讓人未食已經流口水，這大概是我對甜牙牙的最大印象！
早兩次食心太軟都幾滿意架，最緊要朱古力味夠濃就perfect！
今次食，依然有模有樣，但味道真係有少少失望！
朱古力岩漿的味道就好似細細個成日食的金幣朱古力咁，甜得黎有少少假！
點會咁架？個蛋糕位明明做得好好味，但入面的朱古力味道太古怪啦～
希望下次再食會回復水準！
講真，凍又好、熱又好，只要係真綠茶，我都勁愛！但綠茶的副產品喇喎.....其實真係一般，但佢有我最愛的紅豆襯托，又不妨一試XD
呢個紅豆綠茶木糠布丁批($38)有驚喜！
雖然綠茶雪糕唔夠濃味，木糠布丁又比較淡口，但紅豆超清甜！完全可以balance返整個口味。
不過兩個人食就有少少膩，3-4個人剛好！
呢份蕉糖脆蕉(加芝麻脆脆伴雪糕)($39)同樣是驚喜之作！尤其係果片芝麻脆脆，好似花生糖，甜甜地好好味～即使放久了不夠脆都依然美味！
食一啖脆脆，再食一啖雪糕，兩種截然不同的口感令我味蕾好滿足！
芭娜娜提拉米蘇pancake(內置芭娜娜及tiramisu芝士) - $49顧名思義，就係香蕉為主打的甜品~
我其實不太喜歡吃香蕉，幸好有愛蕉如命的好友幫我食，我就負責食pancake 和 cream XD
pancake 非常鬆軟好吃，原本吃得多應該相當膩的 tiramisu，因為混合了香蕉的清甜味，
反而比想像中吃多了一點！不過稍嫌太多cream，有點喧賓奪主的感覺！
這款士多啤梨朱古力脆脆chocolate waffle (佐自家製士多啤梨醬) - $50首先，我們所見，全場有一半食客都有order的！淨係造型已經滿分，所以好快已經on list，
但其實最失望係佢！
首先，明明聞到呢片waffle有好香濃的朱古力味，但食落係完全冇味架......
我要用雪糕去佐先覺得夠味.....同時間我聽到坐隔離的情侶邊吃邊小聲說「點解會咁多人叫架.....」
原本waffle係配埋「自家製士多啤梨醬」，但果小樽醬完全唔夠，而且同樣偏淡，要慳住食好無癮。
既然塊waffle係淡口的話，果醬應該要比較濃，先可以balance 到味覺，先會覺得好食。
塊waffle口感好好，夠脆又唔會太硬，但食到後期愈來愈覺得味同嚼蠟.....
如果可以調較返味道，我相信一定會encore再encore。
冰火焦糖燉蛋($39)，論外表真係拍得住酒店式甜品，靚到嘩嘩聲！上層厚cream 下層燉蛋，兩層食落都好滑，口感一流，如果燉蛋可以硬身返少少會更有層次；
味道亦都不過不失，但甜鬥甜，眼闊肚窄，食到一半已經覺得滯，結果最後要放棄上層cream只吃燉蛋！
講真尖沙咀分店無論是裝潢定係店面都設計得好漂亮，
原本可以打造成韓風咖啡廳般的甜品店，但客人面對再美的店面也沒法欣賞，因為真是太擠迫了！
吃甜品無非都是想三五知己聚埋一齊傾下計，或者係情侶甜甜蜜蜜share甜品食，
但為了多做生意而將每張檯都overload，實在不是個明智的做法。
6人檯坐夠8人，如果一人order一份甜品連檯都唔夠空間放，
陌生人腳貼腳咁坐，你眼望我眼，檯與檯之間太迫，每次有人行過都要左閃右避，
同身邊人傾計連小小的私隱都沒有，服務員因為忙，笑容完全欠奉，這樣根本就失去食甜品的意義了。
敢問有誰想以快餐形式去嚐甜？
有創意的甜品是甜牙牙的金漆招牌，但如果不能提供一個合適的場所給客人，
再好吃的食物也留不住食客的心，希望將來有機會再次光顧的時候，會看到一所既恬靜又自在的甜品店。
Post
