Thai-ger (Moved) New Location

去 D2 Place 2 睇戲，順便走過去 D2 Place 1 食飯。我最喜愛嘅走肉結咗業😭，今次就試下地下呢間。好肚餓，要食飯，叫個脆皮燒肉芥蘭飯，配熱情果檸檬茶。Menu 話呢個係一隻辣椒，但其實真係非常 BB 嘅辣，味道似泰式濕炒河粉，即係比較重麵豉醬味，仲有就係蒜粒味。配料主要係芥蘭，紅蘿蔔同埋燒肉，芥蘭份量幾多，煮得亦剛剛好，唔會偏硬或偏腍。燒肉就同我想像中有啲落差，皮唔夠脆，肥肉亦稍為欠奉，食下食下，感覺有啲似食緊中式嘅火腩囉😂。杯飲品係同系山旮旯嘅出品，清香解渴，唔錯。