Pause It (Moved) New Location

而家無得去cafe，唯有出post望梅止渴。我地上個月星期六下午茶時間去，等左約半個鐘，cafe內只有一部直立式冷氣，根本唔夠凍而且好焗，所以店員間唔中都拉低口罩，希望店家快啲改善下通風。食物ok嘅但無咩驚喜，飲品高質，而且價錢唔貴，可以支持下。🍽煙肉班尼迪克蛋睇相就知呢度嘅做法同其他Benedict 有啲唔同，會焗埋隻蛋，但生熟度都控制得宜，荷蘭醬就中規中矩，似蛋黃沙律醬，Sourdough個皮較硬。🍽香辣鮮茄長通粉蕃茄汁偏甜少辣，長通粉有咬口，如果用大茄而唔係車厘茄應該會再好食啲。🍽芝士黑松露薯條面頭有一大pat融左嘅芝士，薯條另有用少少孜然粉同辣粉調味，味道唔錯，隱約有黑松露味，份量夠多。凍黑芝麻拿鐵店員話呢款事先調味，但會盡量幫我少甜，好彩黎到都係接受到嘅程度，上枱嘅時候呈漸變色好靚，似無咁杰啲嘅芝麻糊，幾好。凍桂花焙茶拿鐵雖然佢地嘅拉花好靚，但當日實在太熱無叫到熱飲，注意凍焙茶拿鐵會加桂花，熱就無。焙茶夠濃唔甜，桂花清香唔假，呢個組合比我想像中好飲。