明星海鮮酒家

Open Now

Now Closed

星期六的中午，同家人飲茶，好少嚟明星！見咁耐無去就俾個機會佢！四人叫左啲點心同一個孖寶。孖寶就係一個粉麵飯加一蚊就有一籠點心！其實幾抵，我地叫左一窩沙薑雞米粉加左雞包仔，68加1蚊！星期六嚟講，抵到爛，個沙薑雞好正，肉質嫩得嚟又幾有咬口，仲要味道好入味！點心方面，叫左釀茄子，有啲咸但好香口，個汁都好惹味； 叉燒腸，正到痺，好似佢地自己拉，所以好滑！煎堆仔，又係好香口！總括嚟講，佢啲點心選擇幾多，而且味道係中上！但服務態度就麻麻，無人會嚟加下水執下野，要叫廿次先會有人嚟！