FAB (Closed)

新舊同事約食飯，為某某退休慶祝，無預我，不在意，如果無咗我，會食得更開心，我樂意做善事，况者我有更自由享樂，一早上openrice 訂枱食飯兼飲酒。強勁音樂，大聲叫，大聲嘈，無人用奇異眼光，亦無人叫我细聲，我往常慣大聲，現在更開放，壓力暫者忘卻。這裏有好多威士忌選擇，我好興，但天氣熱想飲啤酒，這裏剛剛壞冷氣，好在兩邊無門通風，叫一大杯draft hoagarden， 据一据先，唉！Charcuterie Platter$198,雜肉併盤，經過此次經驗，要求層次又提升，味不同已前樣樣差不多咸， 這碟每樣都各具特色，要嫩的真嫩有肉香，法國肉波，一咬，一咇出油，就散發甘香，計續嚼，留戀口腔内，沙樂美腸油面光澤，不是死咸，掂！食完熱烘烘一籃包，又送一籃，滑牛油配軟熱麵包，絕配，減肥的你，休想逃出魔掌，朋友話可能用openrice訂枱有多一籃送！食包加啤酒已飽肚。Marinerie青口，胡椒,蕃茄碎,香草,濃 郁海鮮味湯, 青口鮮嫩，牙籤大少最好証明，靭少少都吐出，大隻牙都無鬼用，所以最多渣剩係佢，今次無嘢吐出，掂！薯條當然又香又脆，肥嘟嘟，好好味呀！我埋單後，還跟肥男侍應即場跳勁舞，high