Delaney's Kowloon

Open Now

Now Closed

喺對面睇完戲差不多過晚飯時間，呢間酒吧就一定仲有野食，好似其他同樣有球賽睇嘅吧一樣係地庫嘅，好彩呢晚冇咩特別嘅賽事，唔洗等位又唔會好嘈，坐下傾下計就啱哂。呢度嘅環境令我吔忍唔住都叫番杯酒飲，又適逢係香港少有嘅Irish pub，就揀咗近排去Ireland時參觀過嘅Jamerson，怕太勁而只叫咗single，結果係好似溝淡咗咁，對於酒量細嘅我吔就剛剛好喇。另一杯唔想要alcoholic嘅，除咗汽水，仲有smoothies，都自幾貴，但就試下，士多啤梨、芒果、香蕉中我就揀咗芒果，唔錯!呢款英式菜主要睇佢件魚就知掂唔掂，個魚都算唔錯，唔會好大陣雪藏味，又唔會好厚嘅炸粉，可惜啲薯條就差咗啲，比較淋同唔似係薯仔原條切出嚟嘅。鐘意食雞翼嘅當然都放過不了酒吧嘅香辣雞翼，呢度都算有水準，好香口，唔夠辣仲可以點伴隨嘅泰式辣醬。試埋佢嘅沙律，餐牌上只有一款，加埋佢148呢個價錢有點失望，唔算難食，但唔太值。